【吸血新世紀】巨星搖籃系列作 盤點由配角變成大明星嘅人氣演員

Leng Zai @ UPower

學張家輝話齋:你而家冇,但係將來會有。

網上圖片

相信唔少人都仲會記得《吸血新世紀》系列,第一集《吸血新世紀》上畫到而家已經相隔接近十一年,經過咁多年,唔少戲中嘅演員而家已經成為荷李活一線巨星。今次就同大家睇下有邊個演員成功由三線演員變成大明星。

1.安娜簡德烈 (Anna Kendrick)

網上圖片

最為觀眾熟悉嘅《吸血新世紀》嘅配角應該會係安娜簡德烈,佢喺戲中扮演Bella嘅同學Jessica,拍完《吸血新世紀》之後令佢人氣急升。

網上圖片

佢之後喺《完美巨聲幫》做女主角,不論演技定歌喉都令觀眾印象深象深刻。舊年佢仲同《花邊教主》碧琪麗芙莉(Blake Lively)主演《小心幫忙》,演技備受讚賞,事業前景一片光明。

2.雷米馬力(Rami Malek)

網上圖片

雷米喺《吸血新世紀4:破曉傳奇》飾演埃及吸血鬼Benjamin,可以控制土、風、水、火。雖然唔多戲份,但就相當搶戲。而家雷米已經係影帝級人馬,舊年佢以《波希米亞狂想曲:搖滾傳說》贏左奧斯卡影帝,佢完美還原神級英國樂隊Queen主音Freddie Mercury。

3.拜絲侯活(Bryce Dallas Howard)

網上圖片

拜絲侯活喺《吸血新世紀3:月蝕傳奇》飾演反派Victoria,本身唔係由佢做呢個角色,不過後來無故易角,令到唔少觀眾相當不滿。因為佢老竇係《達文西密碼》系列大導演朗侯活,唔少認為佢係靠關係先拎到呢個角色。不過拜絲侯活近年主演唔少荷李大製作,例如《侏羅紀世界》系列,都向大家證明左佢唔係單靠父幹,都係有實力嘅演員。

4.占美保華(Jamie Bower)

網上圖片

占美保華喺《吸血新世紀:新月傳奇》飾演靚仔反吸血鬼Caius,相信唔少都好想畀佢吸血。占美喺《吸血新世紀》之後飾演《哈利波特:死神的聖物Ⅰ》同埋《怪獸與葛林戴華德之罪》嘅後生版葛林戴華德,吸納到唔少FANS。

5. 麥姬絲霍兒(Mackenzie Foy)

網上圖片

當年麥姬絲飾演Bella同Edward 個「混血」女,而家越大越靚女,嚟緊仲會主演迪士尼電影《胡桃夾子》。

Tagged:

Facebook Conversations