【復4】原本鐵甲奇俠要同奇異博士換戰衣？ 設定集睇到更多隱藏美術設計
用套甲換件袍，點睇都係唔公平。
最近Marvel曝光左唔少棄用嘅美術設定，原來本身係有計劃要鐵甲奇俠同奇異博士交換戰衣。
網上圖片
呢個最後冇用到嘅設定，我地見到羅拔唐尼飾演嘅東尼史達，着住左奇異博士件斗篷。同一時間，奇異博士都着左鐵甲奇俠喺《無限之戰》着過嘅盔甲。因為喺盔甲個心口位見到奇異博士嘅「 Eye of Agamotto」，就唔係平時見開嘅排斥器電池。同時亦都見到「鐵甲奇異」對手就有佢個招牌式魔法，不過由原本嘅綠光換左做藍光。
網上圖片
大家見到變左奇異博士着左盔甲之後係單靠高科技，而家魔法加科技嘅屈機設定，呢幅圖係講博士同反派Ebony Maw對決。不過如果拍得成嘅話，CG嘅成本就會重好多，因為成個畫面都會招式特效喺度飛嚟飛去。魔法盔甲都唔係咁易做。
網上圖片
奇異博士着左甲自然就會屈機，不過東尼史達着斗蓬基本上等如廢晒武功，最多都係飛嚟飛去。
網上圖片
睇到呢張相之後，有FANS表示終知道左呢句經典漫畫對白嘅出處。
網上圖片
另外，早前Marvel推出左《復仇者聯盟4終局之戰》電影美術設定集(Marvel’s Avengers: Endgame - The Art of the Movie )，唔少影迷都趨之若騖，喺呢本設定集可以了解到更多創作嘅原意。設定集除左有精美嘅插圖之外，仲有好多電影最後冇用到嘅美術設定。
網上圖片
如果諗唔到聖誕節送咩畀朋友，咁呢本美術設定集相信係個唔錯嘅選擇。
