【JOKER小丑】傳聞華納拍續集 仲會有蝙蝠俠出場

Leng Zai @ UPower

不如見好就收啦 !

網上圖片

華堅馮力士主演嘅《JOKER小丑》,喺今年十月頭上畫,成績相當之好,作品全球票房大收10.5億美金,係華納第一部過十億票房嘅限制級電影。目前官方仲未確定會唔會拍續,但最近有外國媒體就指電影公司而家續備緊續集,仲想安排蝙蝠俠出場,兩大男星係理想選角。

網上圖片
之前《The Hollywood Reporter》就指《JOKER小丑》會拍續集,原班導演同編劇都會繼續做返,但係消息傳出耐另一間媒體《Deadline》就指導演未同華納傾掂數。但係近排又有消息指其實《JOKER小丑》仲係會拍續集嘅,雖然呢單消息仲未FACT CHECK,但係唔影迷都已經高興定先。
網上圖片

據聞華納希望由兩個荷李活一線男星去主演,分別係《星夢情深》嘅畢列谷巴(Bradley Cooper)、同埋《星聲夢裡人》嘅賴恩高斯寧(Ryan Gosling)。雖然畢列谷巴喺《醉爆伴郎團》系列同導演托德菲臘斯合作過,但係華納其實想賴恩高斯寧做蝙蝠俠多啲。

網上圖片


消息傳出之後,唔少影迷都好開心,但係有人就指喺《JOKER小丑》嘅世界,蝙蝠俠當年得十歲,但係而家華納兩位心儀嘅男星其實同華堅馮力士差唔多年紀,可能年齡係佢地最大嘅敵人,搞到做唔到蝙蝠俠。但係,同時亦都有影迷就指,積遜史特咸(Jason Statham)同埋雲妮莎卻比(Vanessa Kirby)喺《狂野時速:雙雄聯盟》入面扮兩兄妹,但其實佢地嘅真實年齡相隔二十年。所以,拍電影嚟講,年齡從來都唔係問題。

Tagged:

Facebook Conversations