Marvel公布《黑寡婦》預告 換白色戰衣同場加映姊妹混戰

Leng Zai @ UPower

點解黑寡婦有俄羅斯鄉音?點解黑寡婦返鄉下要同屋企人講英文?

網上圖片

施嘉莉祖安遜主演嘅《黑寡婦》(Black Widow)喺下年四月就正式上畫,最近Marvel Studios正式公布第一條前導預告,基本上同早前網上流傳嘅內容差唔多,不同之處係Tony Stark冇喺預告現身。

網上圖片

《黑寡婦》前導預告大約長兩分鐘,其中包括佢喺俄羅斯Red Room訓練嘅情景、仲有鷹眼同費局長喺及《復仇者聯盟》嘅片段。

網上圖片

之後就見到黑寡婦搭火車走左,暫時仲未知目的地喺邊。今次預告同七月喺聖地牙哥嘅動漫節嘅公開畫面幾乎一樣,都係睇到黑寡婦去左同一個單位,之後仲聽到Yelena Belova(Florence Pugh 飾)話:「我知你喺度。」之後佢地兩即刻大戰一場,互相用槍指住大家,但最後又話係兩姊妹。

網上圖片

喺預告仲會見到黑寡婦着左全身白色戰衣出場,其實呢套戰衣喺D23 Expo嗰陣都有公開過,戰衣嚟自Marvel漫畫《Black Widow: Deadly Origin》。呢部作品仲會見到鷹眼同狼人兩個英雄。

網上圖片

同一時間,我地都會見到電影反派Taskmaster出場,因為佢最叻就係模仿敵招式,所以喺預告入面睇到佢喺度扮鷹眼射箭。(其實扮個勁少少嘅英雄嘅。)

網上圖片

最後就見到Alexei Shostakov亮相,佢着住Red Guardian(紅衛兵)戰衣,但係已經肥到幾乎撐爆件衫,呢個時候Melina Vostokoff(Rachel Weisz 飾)就笑佢肥左。

網上圖片

據悉,黑寡婦當左Alexei Shostakov 同 Melina Vostokoff係佢父母。不過喺Ultimate Marvel漫畫嘅版入面,黑寡婦就係同左Alexei Shostakov結婚... ...

網上圖片

順帶一提Rachel Weisz今年49歲,施嘉莉今年38歲,兩個人真實年紀其實差唔遠。

Tagged:

Facebook Conversations