Gina Carano參演星戰劇集《曼達洛人》 MMA冠軍級女拳手打得又睇得

Leng Zai @ UPower

好想同佢瘋狂打MMA!

網上圖片

《星球大戰》第一部真人版劇集《曼達洛人》(The Mandalorian)而家係喺Disney+播緊,除左Baby Yoda大受歡迎之外,由前女子MMA選手飾演嘅前反抗軍成員Cara Dune。原佢拍之前係唔知自己做咩角色,佢以為自己係扮朱兒嘅同鄉武技族人。

網上圖片

Gina Carano喺開頭受邀加入《曼特洛人》嘅劇組嗰陣,佢以為自己連樣都唔會畀人睇到。《曼特洛人》係Disney+其中一部重點頭炮劇集,劇集同西部片相近,不過換左做科幻宇宙版,一班主角又蒙面同埋冇名,同沙治奧·里昂導演《獨行俠決戰地獄門》嘅設定有少少似。

網上圖片

喺近期嘅集數,Gina 正式出場,佢飾演前反抗軍突擊步兵 Cara Dune,佢開頭覺得「曼達洛人」去到佢嘅星球係為左跟蹤佢,不過最後冰釋前嫌,合作救援一條小漁村,一齊擊退侵略者。但最後Gina有同曼達洛人一齊走,自己開拓左新嘅路。

網上圖片

最近《名利場》(Vanity Fair)訪問左Gina ,佢表示以為自己係一個「女朱兒」,但原來最後佢係成套劇少數露真樣嘅角色,因為其他人好多都蒙左面,又或者係非人類嘅角色。

網上圖片

講起MMA女子選手,可能好多人都會比較熟悉Ronda Rousey,不過第一次令到大眾都留意女子MMA,Gina Carano應記一功。Gina 喺2006年由泰拳轉打MMA,佢到左2008年打左七場比賽,七戰七勝,到左2009年先輸當時狀態當打嘅Cris Cyborg。

網上圖片

當然,Gina 備受注目嘅原因除左係因為好打之外,同埋因為生得靚。Ronda Rousey以前都講過,佢係因為受到Gina影響先會想去打MMA,所以Gina 係推動女子MMA嘅一大功臣。

網上圖片

同埋Gina 好早就有參與演藝事業,例如遊戲《紅色警戒3》,呢個系列其中一個最大特色係每個過場動畫都係由真人演出。另外佢都有參演荷李活嘅一線大作,包括《狂野時速6》同《死侍》。

Tagged:

Facebook Conversations