【星戰】美國畫家自製封面 尤達BB同John Wick玩遊戲?

Leng Zai @ UPower

迪士尼最叻就係設計周邊精品。

網上圖片

Disney+嘅創劇《曼達洛人》(The Mandalorian)嘅尤達BB(Baby Yoda)一炮而紅,好多呢系列嘅GIF喺網絡大受歡迎,美國著名藝術家BossLogic都玩埋一份,設計左《殺神》嘅John Wick遇到尤達BB嘅海報,有網友就指係 Baba Yaga 遇到Baby Yoda。

網上圖片

BossLogic 嘅海報設計簡單,以漸變藍色做底色,大下見到奇洛李維斯飾演嘅John Wick,右上就係尤達BB。BossLogic 就話奇洛上半年勁高人氣,嚟到年尾就畀尤達BB接棒。2019年嘅兩大受歡迎角色正面對決。

John Wick之所以畀人叫做Baba Yaga 係嚟自《殺神》首部曲,戲中嘅俄羅斯反派呢個斯拉夫民族嘅傳說女巫去稱呼佢。

網上圖片

雖然呢幅海報似係要決戰,但係因為John Wick起鍾意狗仔,所以有影迷覺得佢唔會同尤達BB打交,應該會即刻想保護佢。亦都有網友話想見到兩個角色喺同一部電影入面。但係,同時都有唔少人留意到尤達BB背後有個影,搞到個個留言問作者係咩人匿喺後面。

網上圖片

喺《曼達洛人》可以見到,雖然尤達BB睇落成個BB咁款,但其實佢已經五十歲,同尤達大師一樣有原力。有觀眾就估佢可能係尤達大師嘅後裔,亦都有人估佢係尤達嘅複製人。

唔理點都好,節目統籌Jon Favreau已經同大家保證,喺今季之後嘅集數入面,大家會知道更多關於尤達BB嘅故事。

《曼達洛人》目前喺美國Disney+播出,每星期更新一集。

Tagged:

Facebook Conversations