《詭屋驚凶實錄》第三集副標題：魔鬼逼我咁做！
如果真係鬼上身殺人可唔可以當無罪？如果以真係可以無罪釋放，咁係唔係要捉隻鬼去坐監？
網上圖片
華納兄弟喺今年巴西聖保羅動漫展公布左唔少新消息，其中包括《詭屋驚凶實錄》系列第三集，今次嘅副標題係：The Devil Made Me Do It.（魔鬼逼我咁做）
網上圖片
之前華納兄弟就公開，第三集《詭屋驚凶實錄》會改編華倫夫婦調查嘅靈異凶殺案，呢單案嘅開頭只係有兩個人想為幫一個男仔驅魔，不過後來情況開始失控，呢單案件仲成為美國史上第一次有疑犯以「鬼上身」為辯護理由嘅案件。
網上圖片
柏德烈韋遜(Patrick Wilson)同維娜法米嘉(Vera Farmiga)當然都會繼續主演，不過今次嘅導演係《哭泣的女詭》(The Curse of La Llorona)嘅導演米高查費斯（Michael Chaves），而温子仁就擔任監製。另外，新加入嘅演員就包括Ruairi O’Connor、Sarah Catherine Hook、Julian Hilliard等等。
網上圖片
除左温子仁之外，「詭屋宇宙」嘅推手之一Peter Safran都會做埋監製，《詭屋驚凶實錄2》、《水行俠》嘅編劇David Leslie Johnson會負責次第三集嘅劇本，當然温子仁都會參與創作。
網上圖片
《詭屋驚凶實錄3》係「詭屋宇宙」嘅第八部作品，呢個係自Marvel 宇宙之後少數成功嘅電影宇宙，而家成個系列喺全球總共拎到18億美金票房，當中包括兩集《詭屋驚凶實錄》、三集《詭娃安娜貝爾》、《詭修女》同埋《哭泣的女詭》。目前《詭屋驚凶實錄3》預計會喺2020年9月上畫。
