【熱氣球飛行家】女主角原型人物其實係個男人?

咁靚女一定係個男人。

《熱氣球飛行家》由影帝艾迪烈柏尼（Eddie Redmayne）同菲莉絲迪鍾斯（Felicity Jones）主演，佢地繼《霍金：愛的方程式》之後再度合作。故事改編自真人真事，19世紀科學家James Glaisher 同熱氣球駕駛員Amelia Rennes 創造飛行史紀錄，亦都展示熱氣球對氣像學幾咁重要。

兩位主角為試驗熱氣球嘅極限高度，佢定踏上玩命旅途。因為嗰陣未有飛機，人類要飛上天只可以用熱氣球。科學家James成日都想開拓更多氣候嘅知識，佢認為如果喺高空量度温度同濕度嘅變化，就可以更加準時預測天氣，為旱災、水災等自然災害做好準備。佢地喺飛行過程入面遇到唔少危險狀況，令人睇到「心都離一離呀！」戲中嘅James Glaisher 喺現實入面係個瘋狂科學家。

James Glaisher喺1809年喺倫敦出世，係英國皇家氣象學會同皇家航空學會嘅其中一個創始人，一生醉心研究氣象學同航空學。佢喺1862年9月5日搭熱氣球升空，嗰陣佢飛到去10900公尺高空，打破人類史熱氣球飛行紀錄，相當威水。

但係，喺真實歷史入面，James嘅熱氣球駕駛員係個男人，佢個名叫Henry Tracey Coxwel。佢係當時最好嘅飛行員，曾經揸住熱氣球喺英國飛去歐洲唔同城市。佢地其實都遇到唔少意外搞到差啲死，其中一次最大鑊嘅係有次控制熱氣球下降嘅氣閥畀條繩棘住左，Henry就喺熱氣球爬出去，再用牙咬開條繩，最後終於可以順利降落。