【星戰】《原力覺醒》照抄元祖《星戰》 佐治魯卡斯睇完非常失望

Leng Zai @ UPower

如果有人出四十億美金要買你個仔,咁你會唔會賣?

網上圖片

喺2012年,迪士尼用40.5億美金(約315.9億港幣)買下的魯卡斯影業 (Lucasfilm),當然包括埋《星球大戰》系列版權,冇幾耐迪就喺2015年就拍左《星球大戰:原力覺醒》(Star Wars: The Force Awakens)重啟全新三部曲。

網上圖片

不過,有唔少息指出其實「星戰之父」佐治魯卡斯(George Lucas)其實唔太鍾意 《星球大戰:原力覺醒》,當年喺電影上畫冇耐,魯卡斯就受訪大彈呢部戲「復古」,仲話自己好似賣左個仔去做奴隸咁。但係,佢之後就呢個情緒化發言而道歉,指自己嗰陣用左非常唔適合嘅方式去形容呢件事,仲話其實係好尊重迪士尼嘅做法。

網上圖片

最近呢單嘢又上返水,迪士尼CEO卜·艾格 (Bob Iger)最近出版自傳《Ride of a Lifetime: Lessons Learned From 15 Years As CEO Of The Walt Disney Company》,主要係紀錄佢做CEO嘅逸事,佢喺本書入面大爆呢件事嘅內幕。

網上圖片

卜·艾格喺書中表示,喺迪士尼買起魯卡斯影業頭幾年相當難捱,因為喺當時佐治魯卡斯唔太想放開《星戰》系列,佢亦都因為最後冇辦法照足佢諗法去拍新三部曲而覺得勁失望。所以佐治魯卡斯睇完《星球大戰:原力覺醒》之後,搞到五味雜陳。卜·艾格就話:「喺全球公映呢部戲前夕,魯卡斯影業嘅CEO 嘉芙蓮甘迺迪(Kathleen Kennedy)就畀佐治魯卡斯睇左套戲先。嗰陣佢睇完勁失望,同埋話『呢部戲完全冇新嘢』。對佐治嚟講,可以喺原版三部曲嘅每部續集加入全新嘅世界、故事、人物同埋技術係好重要嘅事。但係喺呢一集,佢就話『喺視覺或者技術上都冇足夠嘅進步幅度』。」

網上圖片

佐治魯卡斯相當誠實,佢毫無掩飾咁公開評價《星球大戰:原力覺醒》,卜·艾格都覺得其實佢嘅批評係有道理。不過,艾格都深信拍《原力覺醒》系列係好重要,只有咁樣先可以繼續吸納多啲《星戰》迷。《原力覺醒》係令到《星戰》系列順利由魯卡斯影業過渡去迪士尼嘅橋樑。所以不論喺視覺或者主題入面,甚至連劇本都要原版差唔多,令到影迷有種熟悉嘅感覺。

其實都睇得出卜·艾格唔太憤氣,雖然佢承認迪士尼喺某啲決策係失當,嗰陣佢地太心急想延續呢個經典,不過佢仍然相信當時嘅決定係冇錯。

網上圖片

好彩嘅係,佐治似乎開始又滿意返《星戰》系列,例如喺佢喺《俠盜一號》片場入面,都係同導演加利安愛德華斯(Gareth Edwards)講下笑話,而唔係評價故事,有消息指其實佢幾滿意《俠盜一號》。之後嘅《星球大戰:最後絕地武士》(Star Wars: The Last Jedi),佢唔太鍾意某啲位,但整體嚟講其實都係讚多彈少。希望佢會鍾意最新一集嘅《星球大戰:天行者崛起》。

Tagged:

Facebook Conversations