李英愛為子大開殺戒 《復仇母親》撕開社會底層陰暗面

Leng Zai @ UPower

窮人唔一定好,好人唔一定窮。

網上圖片

李英愛繼《親切的金子》之後相隔十四年再亮相大銀幕,主演韓國電影《復仇母親》,最近喺香港上畫,故事講述一個媽媽決心要揾返失多年嘅囝囝。李英愛喺電影入面展示演技,精神陷入崩潰,最後向一班變態人渣報仇。

網上圖片

《復仇母親》上個月廿七日喺韓國上畫,迪士尼出品《魔雪奇緣2》打對台,後者入場人次突破一千萬,但《復》入場人次只有62萬,累計49億韓圜票房(約3237萬港幣)。據韓媒報導,《復》成本70億韓圜(約4600萬港元),加埋宣傳開支,估計要有170萬入場人次先可以唔洗蝕,但目前電影喺韓國已經落畫,希望海外市場可以收得返。
網上圖片

電影一開場就見到李英愛同佢老公四圍瀕撲揾仔揾左六年,某日老公個收到一條訊息話揾到佢個仔,佢即刻趕去現場,點知中途而畀車撞死左,點知最後條訊息只係惡作劇。李英愛大受打擊,一度想自殺,喺呢個時候一個漁村入面嘅後生差人見到一個小朋友好似李英愛個仔,但村民死都唔認,後生差人暗中打畀李英愛。

網上圖片

展轉之下李英愛終於去到漁村,希望揾返個仔,村民為左掩飾綁架小朋友做童工嘅罪行而唔認數,佢地仲叫埋當地黑警阻止李英愛。但佢發現左村民將聲稱係佢地個仔嘅細路鎖喺間房入面,因為咁令到佢懷疑個仔係其一個受害人。喺橫風棋雨嘅一晚,李英愛再次入村揾仔,點知畀佢撞到兩個小朋友偷走,一班村民搏晒命要揾返兩個細路。黑警最後揾到李英愛個仔,仲用手銬鎖住佢。最後佢個仔掙扎走甩左,畀班變態村民逼到去海邊,李英愛想救返個仔,點知大風浪一下捲走左阿仔。自己個仔喺眼前畀大浪捲走,令到李英愛精神崩潰,佢決心向每個人渣村民報仇。

網上圖片

導演表示佢喺2008年就已經開始寫劇本,嗰陣佢喺條街見到一篇尋人廣告,因為咁令到佢開始想拍《復仇母親》。喺現實中,韓國發生「新安郡鹽田奴隸事件」,有兩個殘障人士畀人誘拐到鹽田做無酬苦工,唔做嘢就會畀人毒打,而當地鄉紳同警察合作,所以一直以嚟都冇發現。最後其中一個被擄受害人偷偷寄信畀阿媽求救,最後佢畀首爾警察救出。之後揭發出有監場有十八個工人冇拎人工,監場老闆十年都未出過糧。

網上圖片

電影入面嘅小朋友被逼做苦工之餘,仲要不停畀人性侵,仲會畀村民逼出去接客。因為自私殘忍,冇人會出聲幫手。《復仇母親》除左關注失蹤兒童問題之外,仲講出偏鄉治安問題,揭示鄉村真面目。雖然導演表示電影同呢個案冇關,但兩者之間的確係有相似之處,例如拐帶、殘虐、蓄奴。不過,《復仇母親》嘅主題就係為提醒同仔女失散嘅父母唔好放棄,同埋要社會大眾留意身邊嘅事,可能會幫到唔少人。

網上圖片

Facebook Conversations