【犬鳴村】網友發現海報另有玄機 其實係暗藏巨星
惡搞版嘅海報係唔會令到觀眾驚架！
日本恐怖大師清水崇新作《犬鳴村》，由新生代女神三吉彩花主演，電影改編自日本經典都市傳說，犬鳴村自從因為要起水壩而被滅村，本應冇人住嘅村落，入村嘅隧道就成日喺半夜傳出人聲，仲更有傳指會有唔少專登去呢條隧道自殺。
網上圖片
預告雖然冇透露太多劇情，但係一堆恐怖鏡頭都已經夠嚇死觀眾。而電影海報設計都別出心裁，見到三吉彩花企喺隧道中間，仔細啲睇其實有一個男人嘅面孔收埋喺隧道入裏面。不過就有日本網友就整左個惡搞版出嚟，嘗試還原呢個謎之男人。
網上圖片
相信大家都大概估到係邊個喇，佢就係荷里活明星韋史密夫（Will Smith），去到最後佢個樣就會完全出晒嚟。相信等電影正式上畫嗰陣，大家睇完呢個惡搞版海報再入場，都唔會覺得驚。
網上圖片
