荷甲驚現「賤招」 出口術呃對手再過人
以為籃球街場先會有出口術，呃對手話「小心波車」，跟住再過人嘅無恥技藝，估唔到尋晚連足球職業聯賽都見到相同招式。
等等！我隊友傷左。（設計對白）（影片截圖）
昨日荷甲阿積士主場對上鹿特丹斯巴達，主隊以2:0領先，在50分鐘時阿積士前鋒貝特蘭查奧爾被對手絆倒，瞓喺地下抱著隻腳，而就喺同一時後衛祖爾韋特文在邊線接應傳球，佢並無即刻控球走人或者傳波，只係向對手指住受傷的隊友。
走先！（設計對白）（影片截圖）
對手擰轉頭睇睇發生咩事嘅時候，祖爾韋特文竟然乘機加速突破走人，好彩佢球傳中失準，被對手大腳清走，如果唔係即使入波都好，絕對贏得唔光彩。球迷睇到片段亦都紛紛「dislike」，更大鬧毫無體育精神。
