慶祝贏波又慶生 「天使」卡雲尼勁開心
歐聯16強賽事首回合，巴黎聖日耳門爆冷大炒巴塞，咁啱得咁橋兩位有份入波的球員迪馬利亞同埋卡雲尼，都係喺情人節生日，賽後成隊一齊喺更衣室慶祝勝利，兼幫兩個「壽星仔」慶生。
（影片截圖）
由影片開始可見，「天使」滿面笑容，而面前就勁多火花，原來係隊友插左煙花蠟燭係蛋糕上面為佢慶祝。鏡頭一轉見到今場負責埋齋嘅卡雲尼，赤裸上身托住同樣插左煙花蠟燭嘅蛋糕，同樣面帶微笑，並向鏡頭點點頭示意多謝。
（影片截圖）
卡雲尼於賽後受訪，但睇黎已經收復贏波心情，準備迎接下場賽事：「我們都非常開心，但明天又會回復平常心，因為必須集中準備聯賽，雖然今場大勝，但你永不知下場會發生甚麼事。」
