李克勤不在港 為盜版網站睇波解畫: 我住既酒店冇足球台

edith chong @ UPower

身為「真魔粉」的曼聯忠實粉絲李克勤,於社交平台上載圖片,分享自己係網上觀賞「曼聯對布力般流浪」的足總盃賽事,卻被部分網民鬧爆,全因佢用盜版網站睇波。網民直言「無論如何都唔應該睇盜版」,亦有人反問佢「如果我住果區無唱片鋪,根本買唔到唱片,你介唔介意我聽盜版?」。

克勤於社交平台上載圖片

克勤其後解釋,:「一覺醒來,發覺原來很多網民對於我昨晚上網睇波有意見,我想講的是,我昨晚不在香港,所以根本冇可能睇到香港樂視台,半夜十二點幾,而我身處的酒店也找不到足球台,我只能在網上找到一個不知道是什麼語言的網站有得播這場足總杯十六強賽事......若然在香港,當然是睇樂視,除了因為樂視是獨家直播外,它還是去年<我是歌手4>其中一個贊助商,所以做完<我歌>後樂視也開始贊助我,包括電視機和每個月的睇波月費,所以大家不用替我擔心。其實若然身在外地,未知大家有沒有恰當的網站或睇波途徑可以提供 - 不用我經常因在外工作睇不到波而煩惱?明明開咗波又睇不到,那種身痕像俾蟻咬的感覺真的非筆墨所能形容,如有什麼不當希望大家體諒。」

AP圖片

睇黎克勤真係「分分鐘需要曼聯」,中意睇波既粉絲絕對明白佢既感受。

Facebook Conversations