阿寶召喚！未贏波先慶祝 最終倒輸
阿寶真係好唔得閒，人類總係犯同樣嘅錯誤......美國大學籃球賽出現未贏波先慶祝的狀況，最終搞到輸返轉頭。
球迷球員衝入場。（網上圖片）
近日出現不少反勝場面，這一場比賽都唔例外，聖文德大學（St. Bonaventure University）於最後1分37秒，仍然落後維珍尼亞聯邦大學（Virginia Commonwealth University）7分，最終於完場前3.2秒，成功追至63:62，並能於敵方底線開球。聖文德的莫比利（Matt Mobley）在包夾的情況下，仍能找到空位投出3分，以66:65反超前。
射入逆轉3分一刻。（影片截圖）
在莫比利投入3分之際，全隊球員包括球迷都勁high，衝晒入球場慶祝，擁左一團。而維珍尼亞的隊員則未有鬆懈，襯著最後一秒打反擊，一傳球即射波，可惜投空，不過全場都無人留意到佢射波，只顧自己慶祝。
反勝一刻全部人癲晒。（影片截圖）
不過，除了維珍尼亞的球員外，球證亦保持冷靜，睇慢鏡後認為比賽尚有0.4秒時間，而聖文德有多個後備隊員衝入場，故被判技術犯規。維珍尼亞的的路域斯射罰球，未有受對方球迷影響，投入追和罰球，將比賽推至加時。
維珍尼亞最終笑到最後。（影片截圖）
經歷完大起大落後，聖文德於加時表現鬆散，最終被維珍尼亞以83:77獲勝。聖文德教練舒密特（Mark Schmidt）則未有責怪學生，並認為學生一生都會記著，今次比賽因條例而落敗，希望他們重新振作。其實體育界已經出現過不少過早慶祝事件，所以最緊要係聽到完鐘聲，先至好放慢手腳。
