中秋夜帶子女玩被學生家長投訴 教師竟遭校長要求道歉?

馬菲爾 @ UPower

為人老師甚艱難

有自稱老師近日透過Facebook專頁投稿抱怨,指自己在中秋節晚帶小朋友到公園散步、玩燈籠,期間遇到學生及其家長,豈料之後被投訴「身為老師咁夜仲帶小朋友落街玩」,遭校長要求道歉,遂忍不住嘆「遲早老師返工放工食飯都會被投訴」。

有老師在中秋節帶小孩子到公園遊玩,卻遭投訴 資料圖片

該名自稱老師近日透過Facebook專頁「老師心聲」投稿,起首即慨嘆「做老師又有私人生活都是罪」,稱中秋節當晚與家人晚膳後到公園散步、玩燈籠,原本一家人開心團圓,突然聽到有人大叫Miss,「原來係學生咁啱都去公園玩,禮貌上打招呼講聲中秋節快樂,但位家長就尷尷尬尬咁拉個學生走,好似當我怪人咁」。

老師心聲Facebook page截圖

投稿者稱,中秋假期完結後回到學校,就被召至校長室,原來當晚遇到的家長投訴她「身為老師咁夜仲帶小朋友落街玩,學生見到咁就有樣學樣教壞晒」,投稿者又指主任與校長完全未了解事件就要求自己注意及道歉,並且稱「之前有TA(教學助理)於暑假期間出外旅遊都被投訴了,遲早老師返工放工食飯都會被投訴」。

資料圖片
資料圖片

帖文引起網民熱論,不少人留言批評怪獸家長同樣教壞小朋友,「個家長教壞細路呀,可以向邊到投訴?」、「怪獸家長在文明倒退」、「教師唔係人?無自己生活?」、「有家長看管未得囉,而且仲係中秋夜,第二日放假都係想大家玩得開心盡興而已」、「叫嗰個家長先去睇心理醫生先啦!佢自己先教壞細路,佢咪一樣咁夜出街,仲要帶埋自己嗰件!佢唔係靈魂出竅呀嘛?」;另外亦有網民批評校長處理手法有問題,「校長乃聖人!不去廁所!投訴佢!」,更有網民認為投稿者可反指自己「係幫學校巡邏緊!捉到有家長半夜帶學生落街,建議記佢大過」。

Facebook Conversations