開18歲「成人」show有子華神? 農夫話…
大家諗多咗!
組合農夫將於下月舉行6場《農夫十八歲生日快樂演唱會》，開騷前夕，C君就喺社交網上載一張跟子華神同張達明的合照，仲留言暗示相中人有可能做嘉賓，搞到一班網民超興奮。對於嘉賓是否子華神？農夫就說：「完完全全唔係做嘉賓呀，只係嗰晚食飯post相引起誤會，我哋唔敢搵佢哋做嘉賓，上次搵子華拍演唱會片都畀佢講咗兩年呀。」
C君Post咗呢張同達明及子華神飯敍嘅相，引起一場誤會。
雖然係一場誤會，但C君和陸永就強調絕對有邀請子華、達明同埋Do姐嚟睇show，問到食飯當晚，兩位棟篤笑猛人可有過料醒吓他們？陸永大笑抵死說：「有！係6場8串3連贏位置Q。」
重溫過去，陸永睇返舊相形容係不堪入目，C君仲鬼馬話：「肯定18年前鍾意我嘅朋友係有眼無珠嘅，呢個人咁嘅樣？嘩，人唔似人！唔只唔可以行上台，就算上月台都畀人推走，警察查身份證都為呢兩個人而設。」陸永加多句：「至今我哋keep住樣衰嘅，Do姐鬧我哋係乞兒，以前係乞乞兒兒咁，但最近鬧就係夾硬嚟喇！」
初出道的農夫，陸永口中形容真係乞乞兒兒。
