搞夢想麥記生日P 蔡卓妍拎氣球「包包」滿場飛
阿Sa話：細細個好羨慕啲同學喺McDonald’s開生日會！
今個月22號生日的蔡卓妍（阿Sa），雖然已經過了生日成個星期，但她還有生日會、生日蛋糕砌，而這個「遲來的生日會」更是在很多小朋友夢寐以求的McDonald’s舉行。
阿Sa實現兒時夢想在麥記開生日會！
繼之前個生日蛋糕蠟燭被容祖兒「搶吹」後，阿Sa今次終於是自己話事，安排自己的生日會，「生日會係自己安排，因為我細細個就好想喺McDonald’s搞生日會，但係到咁大個都冇試過，所以今年我就特別安排咗俾自己。」
阿Sa今次終於是自己話事。
可以在自己夢想的地開生日Party，阿Sa真的非常高興，「決定搞呢個生日會，其實係一個禮拜內嘅事，因為之前一路拍戲，冇諗過咁短時間、同埋喺禮拜四都有咁多fans協調到時間過嚟同我慶祝。仲有就係細細個好羨慕啲同學喺McDonald’s開生日會，覺得McDonald’s 有魔力，真係好開心。」
一班粉絲陪阿Sa過生日。
生日會上，阿Sa拿着一個用氣球扭成的手袋滿場飛，原來這是餐廳特別送上的氣球「包包」，阿Sa話：「好勁呀用氣球扭手袋，勁靚，我好鍾意呀。」問到生日願望，她就話：「希望今年可以繼續做自己鍾意做嘅嘢，同埋身體健康。」
阿Sa非常喜歡這個汽球「包包」。
