• 天天有娛

公開認戀? 余德丞靠蔡思貝膊頭冧爆甜笑

2018年12月01日 04:56 pm

@ UPower

公開認戀???

余德丞（Dickson）與蔡思貝這對好朋友被傳擦出愛火花，Dickson又不時在社交網上載兩人合照，早前踢波昏迷送院，思貝不但第一時間到醫院了解，之後都有到醫院探望Dickson，可見感情非淺。

當兩人關係像霧又像花時，Dickson昨晚（11月30日）突然分享與思貝的合照，其中一張相Disckon合起雙眼靠在思貝膊頭，一臉冧樣，思貝則露出甜笑。

Dickson更留言說：「人與人之間嘅關係就係咁奇幻，佢鍾意睇書，我鍾意睇波；佢鍾意刺激，我鍾意舒適；佢唔鍾意畀人控制，我鍾意控制人；可能就係因為咁，當我亂咁噏當秘笈，佢會講埋我份台詞；當我認真同人溝通緊，佢會喺側邊輕鬆慢慢等，下刪一千字」。

正當大家以為Dickson要公告戀情之際，原來大家都諗多咗，他是呼籲大家投票給他們這對「最佳拍檔」，因為兩人憑旅遊節目《緬甸奇幻旅程》，有份角逐台慶頒獎禮的「最受歡迎電視拍檔」獎項。