細細粒賀歲片「床戰」何遠東 狂玩「笨豬跳」
兩人戲中大玩「纏綿遊戲」。
近日憑TVB劇《是咁的，法官閣下》「喊」贏網民歡心的細細粒（陳嘉佳），將會在來年賀歲片中與何遠東有重量級「床戰」。
上年何遠東憑《降魔的》龍貓一角的賺人熱淚演出人氣急升，加上二人身形都是「肥嘟嘟」，細細粒近日又一度被封女版「何遠東」，是次二人在賀歲片《你咪理，我愛你！》中上演「爆笑版苦情床戲」，自然份外吸睛。
劇情講述新婚的何遠東與細細粒，在洞房之夜大玩「纏綿遊戲」，二人應導演要求大玩「上床版笨豬跳」，連續半小時不斷沿著大床跳上又跳落，但仍出盡全力配合，不時擺出搞怪又可愛的表情，令拍攝現場充滿歡樂。
拍攝「深情對望」鏡頭時，二人竟然成功忍笑一take過。問到是如何忍笑，二人異口同聲謂：「之前『跳大床』已經用咗咁多體力，如果喺呢個位因為忍唔住笑NG再浪費多啲體力唔抵啫。只要你唔想事後腰酸背痛，幾日落唔到床，就忍到笑㗎喇。」
何遠東更笑言，事後回到家中才發現手臂有一大撻瘀傷：「拍嗰陣可能太投入，所以唔覺痛，返到屋企一望先知咁傷。粒姐破壞力真係好驚人呀！」
