許廷鏗處男紅館騷 拒與「密友」胡鴻鈞跳貼身舞
Alfred：「唔好喇，兩個麻甩仔…」
下年出道十周年的許廷鏗（Alfred）最近推出同名大碟，並將於明年3月23日首度踏上紅館舞台，舉行《再見智慧齒演唱會2019》。他直言不介意將紅館處男騷開心Share給「密友」胡鴻鈞（Hubert），更安排座位給對方來捧場，甚至上台搶鏡，但一提議騷肌來迎合粉絲要求，或和胡鴻鈞跳熱身舞，Alfred即甩手擰頭！
Alfred推出同名專輯來配合明年3月紅館個唱，碟名原來好有意思。
曾傳出攣情的許廷鏗和胡鴻鈞互相支持，盡在不言中。
人生第一個紅館個唱，Alfred堅持挑戰四面台是情意結，目前心情期待又緊張，準備在個唱騷肌來迎合粉絲要求！至於會否同「密友」胡鴻鈞跳貼身舞？他害羞地甩手擰頭，「唔好喇，兩個麻甩仔…」更強調自己不是賣肌肉，賣點是笑容！
許廷鏗坦言不介意將紅館處男騷開心Share給「密友」胡鴻鈞。
許廷鏗為了個唱努力減肥操肌，笑言睇甜品當食咗。
其實除了Hubert，Alfred打算請上同期出道的鄭欣宜、吳若希等齊齊上台玩，又說想同欣宜大跳貼身舞。提到之前曾被人批評舞姿生硬，他卻堅持說：「喺邊度跌倒就喺邊度起身，希望大家見到我有進步。」
許廷鏗紅館舞台想開心share俾鄭欣宜、林奕匡、胡鴻鈞和G.E.M.等。
今年8月，許廷鏗在九展開Show為紅館做熱身。
另外，Alfred先後出過10張唱片，近日首次推出同名大碟，他解釋構思：「因為下年紅館開Show，好多人覺得紅館係夢想達成，但我反而覺得紅館係開端。新碟收錄咗11首屬於自己故事嘅歌，其中《白紙》對我最有共鳴，填詞人林夕筆下竟然寫：『願我只懂睡眠 懵懂不變…』因為我無時無刻都瞓得着，試過喺夕爺面前恰過眼瞓，佢真係觀察入微。而《一句話》及《再講一句話》都係已故歌手盧凱彤（Ellen）嘅作品，好有紀念價值。」
許廷鏗
新碟收錄了已故盧凱彤作曲及編曲的兩首作品，以紀念對方。
