• Fooday

麥當勞推$16「A+B下午茶餐」限定優惠 新品仲有芝蛋脆雞飽

2019年02月21日 12:24 pm

L.A. @ UPower

仲唔快啲去歎返個下午茶？

日前，麥當勞繼每日優惠後又有新搞作，今次就推出「A+B下午茶餐」，逢星期一至五下午2點至6點有售，可以於A區及B區自由配搭，各選一款小食及飲品只需$16，包括多款熱賣小食如脆香雞翼、芝蛋脆雞飽及Oreo麥旋風。

於2月14日起，大家可於星期一至五2點至6點於麥當勞以優惠價$16購買兩款小食或飲品，供應期有限，售完即止。

顧客可於A區挑選豬柳蛋漢堡、魚柳包、芝蛋脆雞飽、脆香雞翼(2件)、OREO麥旋風；至於B區則以飲品為主，可挑選蘋果批、細薯條、新地、細汽水、港式奶茶、優質濃香咖啡、凍港式奶茶（另加$3)、凍優質濃香咖啡（另加$3)。

如果怕兩款小食及飲品太多，亦可以單點小食，麥當勞於「超值選」更新增2件脆香雞翼及Oreo麥旋風。

新品還有芝蛋脆雞飽，只售$12，採用麥香雞塊、蒸蛋、車打芝士等材料，適用於「超值選」、「A+B下午茶餐」，十分吸引。

雖然情人節剛過，但目前McCafé仍有期間限定的蜜桃軟心玫瑰蛋糕，每位顧客於McCafé購買指定熱飲或凍飲，但不包括樽裝飲品，即可以$18換「蜜桃軟心玫瑰蛋糕」，以禮盒價$39購買兩件還有蛋糕禮盒裝，用來送禮不俗。