林雪新劇爆肚創「生仔論」 網民Like爆：有喜感嘅粗口
真係講得好流暢......
網上圖片
一對夫婦，兩個兒子加兩個媳婦，一起迫住「豆膶公屋」，星斗市民的蝸居生活確是有苦自知。hmvod原創劇《向西聞記》，內裏的 9 個單元各具本土風味，當中的單元《碌架床》正是描述一家6口在兩房的300呎公屋困獸鬥，兩兄弟與老婆兩對夫妻爭房爭廁甚麼都爭，父母自然牽涉其中，每天「家嘈屋閉」，雞犬不寧。
網上圖片
其中一幕，講述哥哥鄧健泓與弟弟王宗堯為爭房吵架，父親林雪看得火冒三丈，爆粗狂罵，兼且一鎚定音，「邊X個生個孫俾我，間屋就俾邊個！」兩兄弟一聽完即各自捉住老婆石詠莉及蔡明思 ( Jessica@SuperGirls ) 入房「行動」，進行造人大計。餘怒未消的林雪就繼續爆粗，但又反對兩個仔的「白日行動」，「日頭唔好做呀，日頭中嗰啲，生出嚟嗰啲黑色架，你兩個咁白淨，你問吓你老母吖，我哋晚晚..嘻嘻..」
網上圖片
這段長約兩分鐘的片段自日前曝光後，一日點擊率已過50萬，網民留言群情洶湧，近乎全部都讚林雪講粗口很好笑，非常港式地道、自然奔放、喜感瀰漫，「日頭中嗰啲，生出嚟嗰啲黑色架」更成金句，令網民笑翻。
網上圖片
林雪的黑白BB生仔論，原來是拍戲當日即場爆肚，因為林雪素來「劇本就喺個腦」，消化了角色再自然吐納，效果相當生活，他說：「做戲就係做緊生活，我好少家嘈屋閉，但一家人點都有啲拗撬時候，就係因為係一家人，愛之深責之切嘛。」
林雪的地道粗口會隨住《向西聞記》在4月30日起飛，去到NETFLIX走遍全球，雖則網民buy他爆粗，但林雪亦有其看法：「其實我講粗口唔代表認同講粗口係一件好事，相反好想話畀後生仔女聽，唔好講咁多粗口，因為粗口有時會傷害人，不過粗口始終係我哋一種文化，希望大家當睇喜劇，睇吓笑吓就算。」
