【復仇者聯盟4】魁隆連Google都殺！？有一半搜尋結果突然化灰！
Marvel啲marketing手段真係好犀利，由上集沿用嘅「跪求防劇透」開始已經做大左聲勢，到而家玩埋google 搜尋，包起港鐵都只係碎料。DC真係要學下Marvel點做宣傳。
網上圖片
最近《復仇者聯盟4》熱潮席捲全球，各地宣傳攻勢浪接浪，MCU繼之前包起荃灣線做宣傳之後估唔到揾埋Google合作。
網上圖片
相信各位影迷都知道，最強反派「魁隆」（Thanos）喺《復仇者聯盟3》度成功收集六粒無限寶，成功利用無手套嘅力量，彈指之間就可以摧毀世上一半物種。而近日如果喺Google搜尋「Thanos」嘅話，就會見到搜尋結果隔離有個無限手套嘅圖案，撳落下就會有意外驚喜。
網上圖片
當撳個無限手套嘅圖案之後，我地會見到頁面嘅搜尋結果開始化灰，最後就會得返一半連結。
網上圖片
網上圖片
連頁頂嘅搜尋結果數字都少一半（唔講以為撞鬼）。咁之後只要再撳多次手套嘅圖案就可以拯救返化左灰嘅搜尋連結。真係不得不佩服Marvel嘅Marketing手法。
網上圖片
唔到一日即刻變左搜尋第一位
網上圖片
