陳庭欣表示經過今次後，會繼續警惕自己以及再培訓爸爸。
陳庭欣（Toby）所飼養的「月輪鸚鵡」Shabushabu日前意外受驚飛走，走失四得終於尋回。昨日（28日）她在社交網站展示跟愛雀重逢片段，眼濕濕鼻紅，哽咽跟大家說，Shabushabu去敲人家的窗，戶主劉小姐開窗讓牠入屋，並致電告知她來認領。
昨日，我是最幸運的人 — Shabushabu ?終於安全回家！ ?於4月25日中午走失，到了昨日28/4 大慨4:30pm，?飛到龍坪道一屋苑位於4樓嘅單位，佢用嘴仔敲劉小姐個廚房窗，而劉小姐當時剛剛見到，所以開窗比左佢入屋。感謝劉小姐及她家人馬上聯絡我並照顧了?短短20分鐘時間。我同?喺她屋企嘅廚房重逢，我攬住Shabu 嗰一刻，激動流淚?！不過除咗我，我都偷望到我爸爸，同行嘅雀友同埋劉小姐都雙眼通紅呢！我當時問?你呢幾日去咗邊度啊，佢答我：「呀～」 喺度我要再次謝謝劉小姐的協助，而我亦會遵從她嘅意願，將二萬元盡快捐到愛護動物協會，幫助拯救其他動物。 過去的4日3夜，對我嚟講時間過得特別漫長，特別係晚上回到家後，望見雀籠是空的，聽唔到?講嘢嘅聲，心裡百般難受，每晚都躲在房間喊到眼淚都乾晒，一合埋眼就諗起?，根本瞓唔到教！天未光就要堅強起嚟，繼續尋找?，體力同精神都飽受煎熬！ 幸好，這幾天有大家一直輪流陪伴住我，喺度容許我逐一感謝大家： 1）雀友們：Ricky & Waiman, 華哥, 羅白爸媽, 小燕, 少媽, Tami, Eman, Henry, Jacky, Grace, Ivy, Joyce & 健, 大雄&靜宜, 墨魚丸姐姐, Kris & 妹妹 & 綠茶BB, Kathy & 翠翠, Sandy & 仔仔 萬分感激你哋咁多日以來義務咁嚟幫我一齊搵?，日以繼夜，由天未光開始，每日超過10個鐘，每日都唔知行咗幾多里嘅路，日曬雨淋，俾蚊針到飛起，幫我周圍貼街招，問路人，大叫?名字，仲鼓勵我，叫我頂住 2）一眾TVB同事和我一班嘅好朋友，抽空嚟現場幫我(Tammy，Auston, Mandy, 威廉, 細孖, Adrienne, Dada, 大權, 車車, Pinky & Meng, 虹姑, 西西, Match, Joyce, Gubi & Wilson, Jacky & Joanne, Yu, Kitty, Benny Tsang, Phoenix, Samantha, Elsa & Lackco, Amy Shin, Ricky, Driver Joe), 而要開工嘅同事或朋友都不停幫我上網轉發失雀告示同為我留意網上各方面嘅最新消息 3）愛護動物協會職員 及 消防員 - 爬梯及昇雲梯協助 4）香港城市大學/ 又一居/ 附近一帶住宅 嘅保安員及職員 5）我嘅親戚同小粉絲們 6）網上自發嚟到現場，及在網上曾幫我轉發失雀告示，及為我同?留下打氣字句嘅一眾雀友同素未謀面嘅網友 7）東張西望/各大小傳媒機構/各網上平台/ Facebook 專頁 8）九龍塘嘅街坊 - 多謝你哋沿途嘅問候同打氣 9）讓我張貼失雀告示嘅餐廳, 商店, 美容院, 學校等等 10）雀仔街嘅檔主們 11）Benny ❤️ - 每日都借個膊頭俾我喊到濕晒 今次事件之所以發生係因為陳爸爸一時大意，將外出鳥籠放在不是平面嘅車頭蓋上，風一吹而令到鳥籠滑在地上，門繼而打開，?受驚而飛走！他感到非常自責，連日嚟都十分擔憂，跟大家一樣，每日只睡4至5小時就到外尋找?。佢亦都承諾以後會加倍小心照顧雀雀的！ Shabushabu 走失事件終於畫上完美句號！今後我要繼續警惕我自己，同埋再培訓我爸爸，因為家雀出世無耐已經係同人一起相處，所以佢地無自己覓食嘅能力，做主人嘅一定要份外留神！而今次事件令我深深體會到很多事情，世界原來真係好大，人其實好渺小，我哋眼睛冇麻鷹咁利，耳同嗅覺唔係特別靈敏，又唔識飛，行得又慢，體力有限。不過我哋有嘅係鬥志同決心，最重要係友情，互相幫忙，互相支持！ 香港係充滿愛嘅地方，香港人係有人情味的，亦很愛護動物，有事情發生大多數人都會出手相助。回看眾多嘅留言中，大家俾咗好多正能量我，再次感謝大家！而當中有少部分留言係比較負面及過份的，亦都有路人在街上取笑我搵雀，不過無影響過我，反而令我更下定決心一定要搵番?，所以同樣要多謝你哋！ 剛才我終於可以食得落飯啦！隨便去快餐店食咗個鐵板餐。嘩！依餐飯係特別的好食！而?回家吃飽後馬上睡著了，他應該真係很累很累！等佢復原好體力後，我再影啲相俾大家睇下，或者叫?開live同大家分享一下究竟依4日3夜嘅所見所聞呀！? 再次感激大家的幫忙及支持！多謝你哋愛錫 Shabushabu！^3^
Toby Chan 陳庭欣 (@toby_yanyan) 分享的帖子 ·
除感謝對方，Toby亦履行承諾，但對方拒收報酬，只要求她將那兩萬捐去愛護動物協會，「最開心係搵返Shabushabu，依家睇佢冇受傷，不過諗佢應該好攰。」然後感謝連日幫她搵雀、救雀的雀友、朋友、網友、愛護動物協會同事和消防員。
整頓心情後，Toby凌晨時份發長文講述失雀幾日的心情，並爆料：「今次事件之所以發生係因為陳爸爸一時大意，將外出鳥籠放在不是平面嘅車頭蓋上，風一吹而令到鳥籠滑在地上，門繼而打開，受驚而飛走！」所以她爸為事件非常自責，她說：「今後我要繼續警惕我自己，同埋再培訓我爸爸」。Toby再次詳細列出要感謝的人和名字，最後感謝的當然少不了她的男友，「Benny，每日都借個膊頭俾（畀）我喊到濕晒」，果真大團圓結局。
Toby與男友。
Facebook Conversations
