【復4結局】第二版本係雷神同隊長慘死？ 鐵甲奇俠仲見到女兒長大成人？
傳聞有五個版本結局，唔知其他四個係點樣呢？可能得變形俠醫先知。
網上圖片
MCU十周年大作《復仇者聯盟4》終於解封「禁劇透令」，好多觀眾同劇中一眾主演都放開懷抱討論劇情，一班演員都不停影迷Share拍攝現場嘅片段，當中仲透露左唔少關於《復仇者4》嘅趣事。
網上圖片
因為之前導演羅素兄弟講過，《復仇者4》其實係拍左五個版本嘅結局，早前「鐵甲奇俠」羅拔唐尼喺IG post 左一條片，可能係《復仇者4》嘅另一個結局。
條片大槪有一分鐘，首先會見到「雷神」瞓喺畫面左下角，「魁隆」就單手舉起「美國隊長」再將佢監生捏死，而「鐵甲奇俠」就想上前阻止，但就畀「魁隆」打到佢單膝跪地。
之後就聽到導演嗌睇Play Back，然後一眾演員就企返起身。不過，最後羅素兄弟都冇用到呢個版本，而係「鐵甲奇俠」為拯救世界而犧牲自己。
網上圖片
除此之外，早前成盛傳由Netflix人氣劇集《漢娜的遺言》（13 Reasons Why）嘅女主角嘉芙蓮蘭福德（Katherine Langford）有份做《復仇者4》，不過喺上映嘅版本就連一個鏡頭都冇，有觀眾竟然喺嘉芙蓮嘅個IG度留言問點解會咁，佢自己都答唔到啲咩。
網上圖片
有傳聞就話，嘉芙蓮唔係做「鷹眼」，而係大個左嘅摩根史達，即係「鐵甲奇俠」個女。羅素兄弟就話劇情原本打算講東尼史達進入左某個空間入面，喺魁隆啪手指之後，佢就會喺嗰度見到大個左嘅摩根史達。不過，因為電影己經有好多分支，最後只可以剪走晒所有嘉芙蓮蘭福德嘅戲份。
