《黑魔后2》正式發佈首條預告 柏林影后米雪菲花做皇后惡鬥安祖蓮娜

Leng Zai @ UPower

其實睡公主細細個就同皇后一齊做過《不一樣的爸爸》,不過當佢仲係BB,今次終於可以同影后做對手戲。

網上圖片

迪士尼電影《黑魔后:沉睡魔咒》喺2014年嘅時候上畫,睽違五年之後終於再上續集《黑魔后2》。近日迪士尼公布左最新預告,今集有柏林影后米雪菲花(Michelle Pfeiffer)飾演皇后。

網上圖片

《黑魔后:沉睡魔咒》當年上畫叫好又賣座,全球票房大收七億美金。上集故事講述安祖蓮娜祖莉飾演嘅黑魔后,成功見證艾莉芬寧飾演嘅睡公主成功登基做女王。

網上圖片

今次《黑魔后2》再次登上大銀幕,安祖蓮娜祖莉同艾莉芬寧當然仲喺主演,今次仲有影后級人馬米雪菲花,雲集三大巨星大鬥演技。

網上圖片

另外值得一提嘅就係,艾莉芬寧其實喺細細個嘅時候就已經同「皇后」米雪菲花合作。喺2001年,艾莉芬寧三歲嘅時候就同米雪菲花一齊喺《不一樣的爸爸》(I am Sam)入面做過戲。

網上圖片
網上圖片

《不一樣的爸爸》故事講述Lucy嘅爸爸智商只有七歲,雖然佢自己智力正常,但都社福機構發現左之後就要將Lucy接走。於是由辛潘飾演嘅爸爸揾左號稱「從未敗訴」嘅金牌律師米雪菲花幫佢打官司,誓要搶返撫養權。艾莉芬寧喺戲中飾演細個版嘅Lucy,而長大版Lucy就由佢家姐娜高達芬寧做返,所以其實佢兩個喺戲中係冇做過對手戲。今次《黑魔后2》係佢地相隔多年後真正同場做戲。

《黑魔后2》十月十九日喺香港正式上畫。

 

Tagged:

Facebook Conversations