• 天天有娛

Twins紀念出道18周年遊日「烏瀡瀡」 超大懵去錯酒店check in

2019年05月16日 05:31 pm

UP_PT @ UPower

一個女仔蕩失路，兩個女仔都迷途！

蔡卓妍（阿Sa）昨日（14日）相約好姊姐鍾欣潼（阿嬌）出發到日本，展開「話走就走之旅」，慶祝Twins出道18周年。今次旅行兩人都撇低另一半，結果到埗後即擺出大烏龍，就是去錯酒店，阿Sa更笑言：「唔係麗晶酒店，係麗晶大賓館」。

阿Sa凌晨在社交網站上載她與阿嬌搭的士途中的短片，片中她尷尬地左望右望，自爆：「勁搞笑囉！我哋啱啱今（昨）日一到埗，跟一住一到埗即刻去行街，而家凌晨1點幾，啱啱去酒店check in，點知我哋去錯咗酒店。」此時阿嬌點點頭笑說：「有誤會！」

阿Sa即大笑續說：「同（酒店）嗰個人講咗勁耐，佢一路係咁話冇我哋個名，跟住我哋一路堅持，冇可能架。」阿嬌則說，「都話食吃飯前去check咗in先啦！」阿Sa笑指今次真的「笑爆嘴」。

 

 

 

在 Instagram 查看这篇帖子

旅行烏龍記???? #去錯酒店 #唔係麗晶酒店係麗晶大賓館 ???? #出道18周年旅行 #係518 #唔係515 #亦唔係815 #啲數字搞到我好亂 ?? #數學真係唔係我個friend #twins旅遊記 #話走就走之旅 @q_gill

Charlene Choi (@choisaaaa) 分享的帖子 · PDT 2019 年 5月 14 日 上午 9:47

另一好姊妹容祖兒就留言笑她們：「我一唔喺度就出事啦！」阿嬌自嘲：「2個『阿毛』去旅行！烏瀡瀡。」楊丞琳亦留言：「你們好搞笑，可愛」。