【蜘蛛俠︰決戰千里】巴尼島見面會粉絲怒喝「蜘蛛仔」阻劇透
又唔洗咁緊張嘅，都仲未真係劇透。
網上圖片
MCU第三階段真正完結之作《蜘蛛侠：決戰千里》將於七月四日喺香港上畫，最近「蜘蛛仔」湯賀蘭（Tom Holland）就去左印尼巴里島同影迷見面兼宣導新戲，同場仲有「雷神」基斯咸士禾夫 （Chris Hemsworth）宣傳《黑超特警組：反轉世界》。
湯賀蘭一出場所有影迷都為之瘋狂，佢仲同每位影迷簽名同自拍，相當親民。主持人仲要求湯賀蘭要唔劇透咁介紹《蜘蛛俠：決戰千里》嘅劇情，佢就好含糊咁講話：呢部係好有趣嘅電影，大家一定會鍾意。」
網上圖片
不過主持唔肯放過湯賀蘭，繼續追問《蜘蛛俠：決戰千里》嘅時間線，佢就話係由《復仇者聯盟4》之後開始，本身都冇咩嘢，因為預告都有提到。但主持打蛇隨棍上，繼續問落去，而湯賀蘭當然有問必答。主持今集《蜘蛛俠》有咩唔同，湯賀蘭就滔滔不絕咁回應，佢就話：「今次蜘蛛俠有愛情線，又有一個全新嘅魔法師角色（Mysterio）登場，兩個人仲成為好朋友，組隊一齊對付來自平行宇宙嘅四隻怪物（The Elementals）。」
網上圖片
當湯賀蘭仲未講完，台下嘅影迷即刻大嗌：「劇透！」嚇到佢即刻收聲。咁其實湯賀蘭講嘅喺預告都有提，唔算係咩劇透，可能大家都驚佢越講越多，所以先發制人要佢收聲。
網上圖片
咁點解啲人會咁緊張叫湯賀蘭唔好劇透？因為電影公司規定要六月二日之後先可以公開討論劇情，所以佢而家係差啲忍唔到口做壞規矩。
