【哥斯拉II】下集決戰金剛 金剛三大優勢能否「逆襲」？
原來佢哋有交手過！
網上圖片
怪獸宇宙《哥斯拉II：王者巨獸》最近正式上畫，今集哥斯拉面對強敵，好彩佢喺戰鬥中不斷進化，砌贏所以怪獸，拯救世界之餘又再次證明自己嘅王者地位。咁下集哥斯拉就要同金剛對決，不過好多人都擔心哥斯拉究極形態太屈機，兩下打巢金剛搞到續集冇晒睇頭。不過其實金剛同哥斯冇想像咁實力懸殊。
1.哥斯拉體型佔優
網上圖片
喺2014年嘅《哥斯拉》就重啟怪獸宇宙，設定哥斯拉為108米高嘅巨獸，為哥斯拉系列電影入面最高大嘅紀錄。佢喺新一集嘅《王者巨獸》入面為左對付宿敵基多拉，用左某種方法再進化，增高到近200米，咁就夠同三頭龍基多拉對抗，仲刷新埋哥斯拉紀錄身高。
2.金剛都識變高
網上圖片
金剛體形的確相當輸蝕，喺唔同作品入面都會有唔同身高。但喺傳奇影業嘅怪獸宇宙入面，金剛喺2017年嘅《金剛：骷髏島》第一次出場嘅時候係大約三十米高。雖然同哥斯拉身材仲差一大截，但係喺戲入面強調佢其實係個後生仔，將來仲繼續發育生高，咁所以喺下集係有可能會同哥斯拉一樣咁高咁大。
4.金剛身手好靈活
可能大家會覺得就算金剛高多幾吋都冇用，因為喺《王者巨獸》咁屈機嘅哥斯拉唔係高些少就夠揪。但其實高又唔大晒嘅，你睇下哥斯拉行兩步就索晒氣，相比起細細粒嘅金剛就靈活好多喇。而《王者巨獸》導演米高德格堤（Michael Dougherty）都亦都係下集嘅編劇，佢就透露下集會係「大衛對巨歌利亞」嘅故事。金剛睇落好似冇贏面咁，但到時佢可能會有好多故唔到嘅招數同哥斯拉搏鬥。
5.金剛其實識用戰術
網上圖片
作為人類表親嘅金剛，相比其他巨獸就醒目得多，喺《金剛：骷顱島》入面就展示左佢識得用工具嘅場面，有別於之前空有一股蠻力嘅形象。《金剛：骷顱島》嘅時間背景設定喺七十年代，而《王者巨獸》就發生喺現代，當中嘅時間差距可能就係要留畀金剛去成長，例如學識更強嘅戰鬥技術。喺六十年代日本版嘅金剛大戰哥斯拉嘅電影入面，金剛已展現左佢獨特嘅分析力，唔會隨便同哥斯拉硬碰，例如佢會扯哥斯拉條尾，塞裸樹入佢個口度。可能喺下集就會見到呢啲類似致敬鏡頭。
