《追龍II：賊王》雲集四大影帝 今集四雄相遇會做啲咩角色？
好嘢，又見到古天樂。
網上圖片
上集《追龍》就講五億探長雷洛同跛豪之間嘅故事，今集《追龍II：賊王》聯合四大影帝，以張子強綁架誠哥大仔李澤鉅一案為故事藍本。梁家輝惡鬥古天樂，咁今次《追龍II》雲集四大影帝，佢地嘅角色係點樣呢？
梁家輝
網上圖片
梁家輝飾演綽號「大富豪」龍志強，佢喺香港經常犯案，佢曾經綁架誠哥大仔同埋郭氏兄弟長子，拎到廿幾億贖金。但因為律政司檢失當，成功避開法律制裁。今次喺電影入面龍志強目標轉至澳門，令香港警察局同中國公安都相當緊張。
古天樂
網上圖片
古天樂今次飾演何天，係香港警隊拆彈組組長，以前做過重案組。為左拘捕龍志強，所以好朋友兼警察李強就邀請何天做臥底，潛入龍志強嘅犯罪團，同中國公安聯手拘捕「大富豪」。
林家棟
網上圖片
林家棟今次喺戲中飾演「博士」，負責幫龍志強搞通訊、聯絡、偷聽等高科技工作，龍志強連續綁架兩大富豪嘅案件都出左少力。博士其實係知道何天係臥底，但係佢心入面就另有打算。
任達華
網上圖片
任達華飾演督察李強，係何天好朋友。今集佢安插何天做臥底，搜集證據。
