憶述「死亡10分鐘」泣不成聲 余德丞:不能再運動 人生好似失去意義

UP_PT @ UPower

Dickson話,因為有責任,所以要好好珍惜生命!

余德丞(Dickson)於10日播出的無綫綜藝節目《如果這樣生活》中,到日本學習慢活。節目中提到去年在球場踢波時休克事件,他說:「我29歲,應正值人生黃金時間,不過就經歷過死亡呢10分鐘,令我明白到人生無常、變幻莫測」。

余德丞去日本學漫活。
Dickson去日本求神,都是祈求身體健康。

Dickson回憶事發當日在球場踢波途中,自覺有少許不適,故要求換人,出場後就躺在草地上攤抖,但這一攤就昏迷了兩日;醫生說他是心律不正,由6、70上升到300幾,無法正常運作,所以暈倒。

Dickson謂運動可以是他整個人生,「當發生呢件事之後,醫生同講有機會我我以後都可能唔可以做運動,嗰劇之後我表現好出嚟好似冇乜嘢,其實心裏面非常非常之難受(哽咽),因為由細到大(喊),由小學開始我已好鍾意做運動,所以我(泣不成聲)...我仲想可以喺球場上搏命,如果真係冇得踢,好似人生冇乜意義咁;但諗返轉頭,如果可以執返條命,即係話如果喺你生命裏面揀條命定揀運動,冇辦法都要揀條命,因為要對自己負責任、對屋企人負責任,所以一定要接受呢件事。」

Dickson訴說獲告知不能運動後,泣不成聲。(網上圖片)
網上圖片
網上圖片
 

Facebook Conversations