【追龍II】精選十個現代晶女郎 港產女星近乎絕跡
十個晶女郎，有九個係中國演員，仲要個個都咁似樣，真係好難認到。
王晶執導嘅《追龍II》最近上畫，電影齊集四大影帝，同時晶女郎係備受觀眾關注。
網上圖片
以前港產片市道好嘅時候，王晶捧出唔少晶女郎，全部都係女神之中嘅女神，例如：邱淑貞、朱茵、舒淇等。不過近年王晶主力喺中國發展，多數晶女郎都係中國演員，近年惟一嘅香港晶女郎應該係港姐出身嘅文凱。所以今日就挑選十個近年受到王晶歡心嘅晶女郎，睇大家識得幾個。
1.胡然
網上圖片
胡然都算係比較多香港人認識嘅晶女郎，早喺2011年就拍左由王晶導演嘅《大唐雙龍傳之長生訣》，之後就開始拍電影，例如《賭城風雲》系列同埋《追龍》。
2.童菲
網上圖片
童菲曾經係備受王晶寵愛嘅晶女郎，2010年成為王晶旗下影王朝嘅藝員，之後就開始受到力捧，接連出演多部由王晶執導電影嘅女主角，例如《賭城風雲》系列、《大上海》。童菲喺2015年就同影王朝解約，兩人從自各不相干。
3.徐冬冬
網上圖片
有「中國第一美胸」之稱嘅徐冬冬深得王晶器重，佢喺王晶監製嘅網劇《大嫂》擔正做女主角，不過近年佢公開左同尹子維嘅戀情，可能會影響喺晶女郎之中嘅地位。
4.甄琪
網上圖片
舊年王晶翻拍網劇《唐伯虎點秋香2019》，雖然一定冇周星馳，但係鄭佩佩、苑瓊丹及陳百祥等經典班底都有份做，而甄琪就飾演秋香姐。而甄琪另外仲有拍過王晶嘅《寶貝當家》、《降魔傳》，應該都唔會有人睇過。
5.雲千千
網上圖片
雲千千喺《唐伯虎點秋香2019》就飾演「東香」，同所有晶女郎一樣，佢都同過王晶傳緋聞。之前仲畀中國媒體影到佢同王晶一齊喺北京某間酒店過夜，報導一出街王晶即刻澄清之餘仲告埋所有「抺黑造謠」嘅媒體。
6.張虹一
網上圖片
張虹一喺2015年嘅時候就《賭城風雲3》入面飾演劉德華嘅助手，正式成為晶女郎，之後仲有喺《追龍》入面演出。
7.鞏新亮
網上圖片
原本鞏新亮就喺2008年演出《非誠勿擾》，後來就畀王晶挖角，演出《嫁個100分男人》。
8.唐一菲
網上圖片
唐一菲喺2003出道，只係主演一部王晶執導嘅《未來警察》，但係勝在身夠樣貌都夠出眾。
9.鍾采羲
網上圖片
有「翻版超蓮」之稱嘅鍾采羲，喺幾年備受王晶重用，喺《爛滾夫鬥爛滾妻》嘅一場出浴戲令觀眾印象深刻。雖然喺眾多晶女郎激烈競爭之下，近年似乎稍有失勢，但係佢仲係有份主演由王晶監製嘅TVB劇《荷里活有個大老千》。
10.文凱玲
網上圖片
文凱玲為近年罕見嘅香港嘅晶女郎，港姐出身嘅佢即面對眾多中國強敵，仍然可以佔有晶女郎一席之地。文凱玲由王晶監製嘅《唐伯虎衝上雲霄》開始佢晶女郎生涯，當眾出浴場面又成為經典鏡頭。
