• 天天有娛

《愛回家》熊若水借「安心」鬧爆偷食人夫：人沒有自制能力嗎？！

2019年06月23日 02:01 pm

UP_PT @ UPower

「有老婆仲出去滾，佢根本就係抵死。」

處境劇《愛．回家之開心速遞》20日播出的一集，除了將「安心」事件抽到淋漓盡致外，呂慧儀都透過劇情自抽。

呂慧儀的前夫黃文迪於今年三月被爆在巴士上與一名女子態度親暱，更錫錫對方，尤如情侶般，事件爆出後，二人發表離婚聲明宣布結束七年婚姻。

在劇集的尾聲，「龔燁」張景淳和「熊若水」呂慧儀在想辦法為醜聞拆彈，若水提出意見後，遭龔燁鬧「低能」，若水隨即鬧爆斥「Max」鄭世豪，「有老婆仲出去滾，佢根本就係抵死。」龔燁反駁：「你有冇睇清楚條片㗎，Max係俾人勾引，唔係佢出去滾」；若水則繼續鬧：「有乜嘢分別呀？咪又係不忠，哦，係咁易俾人攬吓錫吓就可以出軌，咁結婚嚟做乜嘢呀？人冇自制能力咩？人係有自制能力㗎嘛！」

龔燁則辯稱Max受酒精影響，作為一個正常男人當刻失手是人之常情。若水不認同：「人之常情？咁即係換轉車入面嗰個係你，你都會人之常情咁控制唔到自己，人之常情咁車厘子啦！咁即係客觀地設身處地，人之常情咁出軌偷食。」