【信用欺詐師JP】長澤正美呃到香港 住劏房埋身竹內結子
必睇！
《信用欺詐師JP : 香港浪漫篇》由長澤正美、東出昌大、小日向文世主演，今次由日本呃到嚟香港，欺詐三人組齊齊到香港食大茶飯！
網上圖片
今次電影喺日本就被睇低一線，但係都可以連續兩個禮拜拎左票房冠軍。最近第一條香港版預告正式公布，見到一班日本巨星扮街坊住劏房，相當貼地兼入屋。
網上圖片
日劇《信用欺詐師JP》以「慾望」同「金錢」作為主題，劇集講述欺詐三人組，包括：「達子」（長澤正美飾）、「少爺仔」（東出昌大飾）同埋「理查德」（小日向文世飾）。三人以多變奇詭嘅騙局，懲罰唔同界別嘅黑心人，呃晒佢地嘅污糟錢，儆惡懲奸！
網上圖片
劇集版喺日本播出之後，總收視高達15.1%，因為成績理，所以就決定開拍電影版，仲要喺香港取景。電影版當然有原班人馬三人組，仲有巨星竹內結子、三浦春馬同江口洋介加入。而電影版片名就叫《信用欺詐師JP : 香港浪漫篇》，喺日本上畫嘅時候大獲好評，創下二百萬人場人次嘅紀錄。
網上圖片
長澤正美一直都係日本嘅收視同埋房保證，當時日本播到第九集，劇組就宣布開拍電影版，但因為老千形象太入屋，所以冇人信呢個消息。長澤正美等巨星喺香港拍戲嘅時候仲趁機打卡影相，喺IG PO左唔少香港靚相。
網上圖片
今次老千三人組嚟到香港一改以往嘅豪華風格，住劏房、扮街坊。設下連環騙局、局中局，就為左可以埋到香港黑幫大家姐（竹內結子飾）嘅身邊，目的就係為左偷走價值連城嘅紫鑽石。而三浦春馬就扮演一個天才情場騙子，目標一樣係無價鑽石。喺劇集入面畀人呃左二十億嘅黑幫大佬（江口洋介飾），今次都會現身電影報復，決戰香港。
網上圖片
《信用欺詐師JP》喺七月二十五日喺香港上畫。
