《耶穌真係落咗嚟》香港譯名夠貼地 齊齊入戲院「Sing Hallelujah」
可以邀齊身邊嘅警察同基督徒朋友一齊睇呢部戲。
早前有牧師公開表示，喺六月十二日嗰陣好心勸喻警察推推前要先作出警告，但能言善辯嘅香港警察就答牧師：「叫你個耶穌落嚟見我。」可見我地嘅香港警察唔單止有學識，而且對宗教一樣咁有好奇心，所以話香港警察幾咁犀利。
網上圖片
最近就有一部日本新戲《耶穌真係落咗嚟》（Jesus）即將喺香港上畫，回應左警察同志嘅問題。
網上圖片
《耶穌真係落咗嚟》係日本21歲天才導演奧山大史第一部長片，故事講述一位小朋友就全家搬到鄉郊住，佢本身冇宗教信仰︳但就畀屋企人送入基督教學校讀書。點知有一日，一個迷你耶穌天降面前。呢集耶穌仔識玩相撲又識變戲法，對小主角有求必應。但係，主角嘅朋友發生意外，令佢動搖對神嘅信心。
網上圖片
電影上個月喺日本上畫，得到唔錯嘅評價。康城金棕櫚大獎得主是枝裕和、導演岩井俊二都大讚呢部戲有趣。《耶穌真係落咗嚟》喺三月嘅時候喺香港國際電影節放映過，當時譯名係叫《小小小耶穌》，今次發行公司專登重新度過中文譯名先再上正場，可見幾咁有心機。而電影海報嘅宣傳口號就係「七月十八日 Sing Hallelujah」。
網上圖片
《耶穌真係落咗嚟》七月十八日喺香港上畫。
