鬼馬本色拍旅遊節目 黃建東食蠶蟲餅脆卜卜
東東想觀眾睇得開心，自然繼續鬼馬。
一向鬼主意多多的「惡搞王」黃建東（東東）早前因為二次創作陳偉霆手錶廣告而人氣再度急升，入行八年更首次有機會拍攝旅遊節目《識玩旅行團》，「第一次拍旅遊節目好興奮亦好重視，特別帶備定之前拍《PPAP學廣東話》嘅長衫同埋狼衫等戲服睇下用唔用得着，結果套長衫好夾發明西樵大餅嘅官員嗰段，而套狼衫就好夾去動物園用可以同啲動物打成一片，希望喺節目內騷啲黃建東扮鬼扮馬嘅本色，令觀眾睇得開心啲。」
黃建東特別帶備定之前拍《PPAP學廣東話》的戲服拍旅遊節目。
結果套長衫好配合發明西樵大餅的官員那段。
今次東東攞正牌跟肥媽同簡淑兒去佛山周圍品嚐美食，除了吃得胖了三公斤回來之外，還首次挑戰食蟲：「第一次食蠶蟲煎餅，食嘅時候好驚自己會反胃嘔返出嚟，點知原來好似蝦乾脆卜卜一啲都唔難入口。另外亦係第一次整西樵大餅同埋玩越野賽車，玩賽車時要輾過一些大泥窪非常刺激，玩完後連底褲都被泥水盡濕，不過令我返到香港好想快啲買車。」
黃建東、肥媽、簡淑兒
黃建東一次食蠶蟲煎餅。
黃建東指好蠶蟲煎餅似蝦乾脆卜卜。
黃建東和簡淑兒學整西樵大餅。
又玩越野賽車。
另外，東東更第一次到水上樂園拍節目，他坦言自從選港男後都無試過濕身拍節目，本身他想只穿泳褲豁出去，後來怕嚇親觀眾，所以決定穿回上衣收起腩肉，他還笑指拍檔簡淑兒比他還密實，所以呢個節目嘅玩水部分非常合家歡。
黃建東坦言自從選港男後都無試過濕身拍節目。
黃建東笑簡淑兒穿得比他還密實。
黃建東、簡淑兒
