日本男團之父尊尼喜多川生平五大事跡
一手捧紅木村拓哉，自六十年代就涉及多宗性侵醜聞。
網上圖片
尊尼事務所創辦人兼社長Johnny喜多川喺七月九日過生，享年七十九歲，喺眾多嘅男性巨星嘅陪伴之下走過佢人生嘅最後旅程。今次就趁呢個機會同大家回顧下Johnny嘅生平事跡。
1. 喺美國出世再回流返日本
網上圖片
Johnny喺美國出世兼長大，喺後生嗰陣咁啱識到去美國表演嘅日本國民級歌手美空雲雀同佢嘅經理人，成為佢後來喺日本發展嘅重要幫手。Johnny喺五十代返到日本，不停累積人脈同經驗，喺六十年初就正式創立尊尼事務所。
2.男團製造機
網上圖片
Johnny開創左日本偶像年代，為日本偶像團之父。喺八十年代開始就推出左少年隊同埋光GENJI，到左九十年代就捧紅左亞洲天團SMAP、嵐，到左二零一五年亦都組成左King & Prince。Johnny手下嘅藝人團體幾乎逢捧必紅，不過可能會有人問，佢會唔會捧埋女團？喺八十年代嘅時候，Johnny都係捧下女藝人，不過直到Orange Sisters宣布畢業之後，佢就只係專注於男藝人。
3.企業王國包攬娛樂業
網上圖片
尊尼事務所業務非常廣泛，唔單止為藝人提供經理人，旗下仲有傳播製作公司、唱片公司、演唱會公司、偶像產品專賣店，一條龍全包娛事業。令旗下藝人得到最大曝光率。
4.尊尼事務所成為日本娛樂帝國
網上圖片
尊尼事務所唔單止為旗下藝人推出唱片同埋接廣告，仲會搞超過二百場演唱會，舞台劇。有FANS估計，尊尼旗下偶像主持左日本近三成嘅綜藝節目，每季有三份一嘅日劇都係由尊尼嘅藝人擔正主演。而且，尊尼事務所仲會搞埋FANS CLUB，新人入會就要交三百六十蚊港紙嘅入會費。
5. Johnny被指控猥褻旗下男藝人
網上圖片
Johnny創辦尊尼事務所之後，一直都流傳佢有性猥褻男藝人嘅傳聞，同埋佢多數由未成年嘅時候已經同男藝人簽約。喺一九九九年，日本八卦雜誌《周刊文春》就踼爆Johnny喜多川經常猥褻男藝人。Johnny即刻起見雜誌，呢件事仲傳到去美國傳媒，去到二審嘅時候法官仲認同《周刊文春》嘅報導，肯定Johnny有猥褻旗下藝人。最後Johnny用左大量銀彈，打左好多年官司先甩到身。
