宅男女神變老闆娘 幸福人妻Vivi Tam+Jancy Wong炮製創意果味鮮奶
認得兩位靚女Model嗎？
最近尖沙嘴又一間Fusion飲品店開張，由門面裝潢到飲品，以至老闆娘，都是以「靚」吸引眼球，店外都是花花牆壁，最適合打卡用！
本網記者攝
兩位老闆娘都是靚女模特兒及KOL，一位是Vivi Tam，另一位則是Jancy Wong，同樣被視為宅男女神，兩位都是熱愛飲食之人。其中，Vivi Tam更於前年在東京藍帶學院修讀半年廚藝課程，取得東京法國藍帶廚藝文憑，兩位靚女模特兒近年不單升呢為幸福人妻，獲老公支持創業，自己更創出店內各款新穎飲品，果然唔止睇得咁簡單！
本網記者攝
店內創意飲品主要分為鮮奶、沙冰、泰式系列，若各位想在花牆打卡的話，首選是粉嫩奪目的玫瑰火龍果鮮奶及開心果榛子鮮奶。
本網記者攝
玫瑰火龍果鮮奶（玫瑰水晶） $35
整杯都是超粉嫩的顏色，上面更舖有玫瑰花瓣，最適合少女打卡之用。以鮮奶及玫瑰花香味配搭清新的火龍果，鮮奶幼滑，加上底部的煙韌口感，甚有層次。火龍果味道清甜，玫瑰花香味極重，略帶甘味，喜好花茶的朋友必飲！
本網記者攝
開心果榛子鮮奶 $35
整杯以淺綠色為主調，特別採用日本開心果醬，加入鮮奶後，再添加開心果粒粒，整杯有一種淡淡的香氣。鮮奶入口幼滑，開心果味超濃郁，啜入口時也可嚐到粒粒開心果的鬆脆口感，同時帶有榛子的堅果味，充滿層次感。
本網記者攝
此外，更有紫薯鮮奶及芒果鮮奶等，更有泰式奶茶、飲品版的芒果糯米飯，任君選擇。
本網記者攝
紫薯鮮奶 $35
紫薯向來甚受歡迎，將紫薯與鮮奶混合，兩者同樣滑溜無比，加上粉紫色為主調，睇得又飲得。
本網記者攝
芒果糯米飯 $34
以獨特配方炮製這杯可以飲用的杯裝芒果糯米飯，十分特別，連頂部的花也是食用花，可以放入口呢！放入已微暖的白糯米飯後，再加入呂宋芒及椰奶，用飲管一啖啜入口時，既有香甜的芒果味，亦有糯米煙煙韌韌的口感，加上椰香味，味道香甜可口，有如在泰國吃芒果糯米飯一樣，開胃又飽肚。
本網記者攝
各位Fans想見兩位靚女，行經尖沙嘴不妨去打個卡，順便碰碰運氣，看能否碰見兩位靚女模特兒喔！
本網記者攝
象花兒 BlossomE Tea
地址﹕尖沙嘴彌敦道19-21號九龍酒店B2樓10號舖（地鐵尖沙嘴東站L4出口即達）
營業時間﹕11:30 - 21:00
電話﹕2838 2260
