【兒童不宜】《反斗奇兵》原版故事暗黑殘酷 胡迪係獨裁變態惡魔？
唔怪得胡迪個樣咁賤啦。
網上圖片
《反斗奇兵4》全球叫好叫座，喺香港更成為史上最高開畫票嘅動畫電影。雖雖，《反斗奇兵》係老少咸宜嘅合家歡電影，但其實係最初劇本設定係個黑暗寫實弱肉強食嘅玩具世界。而胡迪就係極度邪惡兼霸道嘅大反派，當然後來就梗係改晒啦。
網上圖片
第一集嘅《反斗奇兵》係彼思動畫嘅第一部長片作品，當時胡迪設定成最大反派。原本彼思嘅劇本係胡迪謀殺巴斯光年，將佢掟出街。胡迪仲要冇理到其他玩具嘅感受，仲要同其他玩具講：「呢個係玩具食玩具嘅世界。」
網上圖片
除此之外，胡迪仲會不停羞辱殘害其他玩具，例如佢會逼彈弓狗舐乾淨對靴，一班玩具日日畀胡迪咁糟質法，最終都忍唔住，群起反抗胡迪。當時呢個變態胡迪嘅原型係六十年代電視節目《Howdy Doody》嘅木偶主角。
網上圖片
雖然第一集《反斗奇兵》係由彼思製作，但係就係由迪士尼出錢打本做動畫，當時嘅迪士尼主席Jeffrey Katzenberg睇完呢個黑暗《反斗奇兵》就相當不滿。所以後彼思團隊就大執劇本，參考左專演牛仔嘅荷李活男星Woody Strode，令胡迪變返做好人，變成今日大家都鍾意嘅《反斗奇兵》。
