《蠟筆小新》八大小知識 原來廣志係好有錢
老豆生得高，又有自置物業（單楝式別墅），睇怕小新將來會係人生贏家。
《蠟筆小新》劇場版《蠟筆小新劇場版：蜜月風暴～拯救老豆大作戰》而家正式上畫，喺入場之前不妨睇下有關《蠟筆小新》嘅八個小知識。
1.小新有幾高？
網上圖片
廣志有180cm，媽媽就有160cm，小新就有105cm。其實全家人都唔矮，不過唔知點解喺動畫睇落小新個身高同小白差唔多。
2.其實小白係名種狗
網上圖片
喺漫畫入面有提及過，小白嘅媽媽係摩天使，出街嘅時候唔小心同流浪狗交配生左小白出嚟，所以小白係混種摩天使。
3.廣志一年揾幾錢？
網上圖片
根據網友嘅推測，廣志一年人工有成47至72萬港紙，因為佢一家人喺琦玉縣住單楝別墅，仲要喺東京黃金地段返工，完全唔可以睇小。反而小丸子個爸爸就好似從來都唔洗返工，仲要成日喺屋企飲酒，完全悲慘家庭。
4.點解小新要叫小新？
本來作者臼井儀人喺筆記到寫左4個名，但係咁啱落兩整濕左本簿，搞到4個名嘅字都化晒，咁啱就讀到新之助嘅拼音。所以最後臼井就留低呢意得返嚟嘅名。
5.廣志嘅襪到底有幾臭？
網上圖片
當小新聞到廣志嘅襪嗰陣就會搞到成塊面變左綠色，為左畀fans感受下嗰陣臭味，喺《蠟筆小新25周年展》嘅時候，大會專登展出廣志嘅臭襪。當時大會裝埋空氣清新機，但係仍然臭氣衝天。
6.小白同風間係同一個配音員飾演
網上圖片
其實小白同風間都係由同一個配意員聲演，兩個角色都係由真柴摩利配音。因為小白係隻狗，容易啲演繹，所以先至會要同一個配音員兼任。
7.小新最介意畀人見到條低褲
網上圖片
有次小新喺公園玩唔小心整爛條褲，為左唔畀人見到條底褲索性除晒所有褲，光脫脫返屋企。
8.其實小新有好多件衫
網上圖片
每次小新出場嘅時都係紅色衫襯黃色短褲，但其實小新有好多件一模一模嘅衫喺衣櫃入面，所以先搞到好似從來都冇換過衫咁。
