【叛諜追擊】麥迪文假戲真做 唔通佢真係CIA間諜?

Leng Zai @ UPower

唔通麥迪文真係CIA又話你知咩。

網上圖片

呢個世界成日都會有美麗嘅誤會,之前有王國興議員以為打機片段係李小龍本人上擂台比賽;近期又有蔣麗芸議員喺Facebook出Po,話沙田遊行嗰日喺新城市廣場入面,有個外籍男人𢯎肚腩,蔣議員就以為佢係「外國勢力」放暗號指揮市民暴動,但其實人地只係住喺香港嘅KOL。最近久未蒲頭嘅「愛港行動」發言人陳靜心喺微博出POST,上載左荷里活明明麥迪文(Matt Damon)嘅相,就話佢係美國中情局特工。

網上圖片

淨心BB喺廿六號出POST,除左上載麥迪文張相之外,仲用簡體字寫埋:密探報料,香港反政府暴徒幕後美國中情局搞手被挖出,美國人,名Jason,暫住香港,花了很多人力物力得到這人資料,他負責暴徒軍事訓練和刺殺技巧,很高危!」但係靜心BB唔知點好快就DEL左PO。

網上圖片

麥迪文主演《叛諜追擊》系列電影,佢喺戲中飾演美國中情局特工Jason Bourne。而且佢仲精通多國語言,包括:法語、德語、西班牙語、俄語、義大利語、荷蘭語。Jason仲係一個天主教徒,O型血。基本上就咁GOOGLE或者睇過套戲都可以拎到以上情報,唔洗「很多人力物力」。可能麥迪文演技太出色,所以搞到淨心BB誤會。總之全部都係麥迪文嘅錯!

網上圖片

其實喺2017年,淨心BB就話記者 Richard Scotford係美國中情局特工,係佔領中環嘅「現場指揮」。搞到淨心BB即刻帶隊包圍對付美國特工,最後發現原來Richard Scotford係英國人。

Facebook Conversations