張致恒四處留情舊愛April感歎「被偷走的五年」 邵子風不忿大爆係佢當年做小三嘅報應？
整件事相當複雜呢……
張致恒（Steven）宣佈準備同未婚妻雯雯結婚及二人已育有一子消息後，隨即惹來模特兒兼舞台劇演員女友梁皓恩（April）在社公平台大公審Steven，留言：「May i know what’s going on?!!!! 點解忽然世界末日?!!!!!!!!! #我怕過唔到今晚 #被偷走的那五年」，很多網民都說不認識April，但都留言勸她要堅強、不要做傻事等；之後還有另一女子Moon再爆Steven一腳踏5船。
April自揭2014年就跟Steven一起？但當時Steven已拖著莊端兒認男女朋友關係。（ig／資料圖片）
3年前Steven被爆跟當時女友莊端兒分手，邵子風被拍到曾到訪二人的愛巢，但Steven當時已聲稱搬離該寓所。邵子風昨晚就事件在fb發文，留言：「其實我對渣男不反感，我只對人渣反感！」然後他指出：「莊端兒2016年同張致恆分手。April：『被偷走的五年。』2019-5=2014。2014年，娛樂版、娛樂雜誌、電視...甚至係朋友間出嚟玩、食飯，全世界都知道，莊端兒就係張致恒女朋友。即係話，April呢一位虔誠基督徒，當年明知張生有女朋友，佢都甘願做人小三！」
April自揭2014年就跟Steven一起？但當時Steven已拖著莊端兒認男女朋友關係。（ig／資料圖片）
邵子風除了勸對方「為呢種人傷害自己，十萬個唔值得！」，還謂：「你當自己做人小三嘅報應啦！（講緊響ig得知自己現任男友同第二個女人結婚生仔）咪當晒自己係受害者，你做人小三，一樣係傷害緊人，唔好當無咗呢件事先得㗎！如果我係莊端兒，如果我今日先知你呢個小三當年嘅存在，你覺得我會點？」
April自揭2014年就跟Steven一起？但當時Steven已拖著莊端兒認男女朋友關係。（ig／資料圖片）
莊端兒隨後亦在邵子風的發文下留言：「如果是事實的話 老實答：我好難受！那時候還有台妹！令我頗困擾 還記得2016年也是我的世界末日⋯⋯ 愛情工作一下子都離我而去 也不敢打騷家人朋友 心如刀割連膽都割了...... 那個時候我好想自己 不如死在手術床上 也曾經不孝到問媽媽 為何你滿身病痛折磨不選擇死 我那時候表示我好想死啊 媽媽淡淡的告訴我 好不容易能夠轉生為人 只要一息尚存都要活下去 自殺這行為實在太對不起 家人及愛你的朋友 經歷過後學懂放下 愛情放過他人等於放過自己 世界沒有過不去的事情 只有自己跟自己過不去 時間從沒有為任何人任何事 停留過一分一秒 請大家愛自己多一點 請不要為任何事情選擇輕生」。
網上圖片
其實昨日Steven宣佈婚訊後，莊端兒也有在發文下大方留言「恭喜」，及說「大個仔，要好好錫老婆啦，祝佢哋幸福快樂。」
