李香凝怒斥電影醜化父親 李小龍到底有幾犀利?二指掌上壓/無影腳都難佢唔到

Leng Zai @ UPower

喺《從前,有個荷里活》入面,畢彼特一腳將李小龍踢到撞凹架車。當然呢啲只係荷里活式幻想。

網上圖片

鬼才導演昆頓塔倫天奴新作《從前,有個荷里活》,眾星雲集,更加大收票房,喺北美上一星期就大收4千5百萬美金,創下導演本人嘅紀錄。但係,李小龍個女李香凝(Shannon Lee)就相當不滿電影醜化佢爸爸,呢部戲令李小龍變成「自負嘅傻仔」。而且李香凝喺之前訪問仲透露,塔倫天奴拍呢部戲嘅時候冇問過佢任何意見。

網上圖片

《從前,有個荷里活》挪用左唔少真實人物,包瑪歌羅比飾演嘅莎朗蒂、由Damon Herriman飾演惡名昭彰嘅查理文遜同埋由韓裔演員Mike Moh飾演李小龍。但係李香凝早前接受外國傳媒《Deadline》訪問嗰陣就表明塔倫天奴從未聯絡過佢,當時已經相當不滿,睇完呢部戲之後就講明認為電影醜化佢爸爸。

網上圖片

喺《從前,有個荷里活》其中一幕就係由Mike Moh飾演嘅李小龍,同畢彼特飾演的替身演員Cliff Booth對打,最後就係畢彼特打到李小龍瞓喺地下,之李小龍仲要話冇畀人掂到,唔肯認輸。李香凝在接受外國傳媒《The Wrap》訪問嘅時候就表示,當佢喺戲院聽到觀眾笑李小龍嘅時候就覺得好唔舒服。佢仲認為電影對李小龍嘅形象描繪失實,因為李小龍在生嘅時候通常都會避免無謂嘅衝突。

網上圖片

李香凝仲話:「最令人沮喪嘅係電影將爸爸講成係一個自大狂,因為六十年代喺荷里活揾食嘅亞裔美國人,一定要比Rick Dalton(里安納度狄卡比奧 飾演)及Cliff Booth(畢彼特 飾演)呢兩個白人角色更努力先可以有機會成功。」李香凝表示雖然理解導演嘅創作理念,但佢認為冇必要令李小龍再次承受唔公平嘅待遇,佢喺訪問度講:「我知道電影嘅角色係反英雄,有啲似係對六十年代嘅憤怒幻想。我都知道佢地想要畢彼特擊敗李小龍,但冇必要令李小龍再次經歷多次呢個白人荷里活嘅世界。」

網上圖片

雖然李香凝怒斥《從前,有個荷里活》醜化李小龍,佢就大讚Mike Moh演技出色。佢覺得Mike Moh捉到李小龍嘅重點,連講嘢嘅語學到十足十。

網上圖片


大家可以重温下李小龍1967年喺美國長堤(Long Beach)功夫示範,當中包括:閉目黐手、單手二指指上壓、出拳速度演示、寸勁打飛六尺白人、實戰示範。


喺電影《猛龍過江》入面嘅無影腳。

Facebook Conversations