莊莎娜決心打卡克服畏高 大膽玩Bali Swing派福利
成個地方都好Chill~
與黃又南傳緋聞的珠寶店太子女莊莎娜（Sarah），早前偕幾名女友人到印尼峇里島旅遊。因為本身愛瑜伽，所以Sarah特別揀選專門做瑜伽的酒店，可以日做夜做。她最難忘到著名景點Bali Swing玩，可以一邊盪鞦韆一邊欣賞樹林和河流靚景，但她苦笑說：「望落下面都有幾層樓高，其實我好驚。」但為了影相留念，即使畏高都要試吓，她坦言是值得的。
Sarah每日在酒店做一個鐘瑜伽。
今次Sarah入住專門做瑜伽的Yoga Retreat酒店「Fivelements」，因為住客不多，Sarah覺得好寧靜又舒服，「好似去咗世外桃源，酒店有好多唔同嘅瑜伽課程畀住客join，仲可以學煮嘢食同按摩，按摩完返酒店房仲有泡澡服務。」
第一次去有關酒店，Sarah稱房間又大又舒服。
Sarah做完按摩，酒店會安排客人回房間享用泡澡服務。
出發前，Sarah已計劃去當地著名景點Bali Swing，「可以盪韆鞦影相，望到樹林同河流景都好靚，不過個韆鞦有幾層樓高，搞到我好驚，好在有安全帶，下面又有保護網，現場仲又工作人員睇住，都好安全嘅。」雖然現場有七個韆鞦，但因為遊客太多，都要排隊等30分鐘先有得玩，而入場費約港幣200蚊，還包午餐，玩幾耐都得。
Sarah表示盪韆鞦幾好玩，但因為好高，覺得好驚。
Sarah在Bali Swing坐沙發睇風景。
由於入住的酒店只有素食，所以Sarah幾乎每日都食素，但她不覺得難捱因為食材新鮮、煮法又有創意，非常值得一試，而Sarah最鍾意幫襯餐廳的Potato Head，「其實香港都有一間分店，之前去過都知道嚟自峇里，今次特登去當地試下，除咗地方大3至4倍，價錢仲平過香港一半，好抵食！」
Sarah表示酒店環境靚到好似世外桃源。
另外，Sarah都有去Seminyak Square行街，因為有很多本土品牌，貨品有特色又不太貴，買得好開心。叉完電返港，她正籌備新的珠寶collection，9月又會跟手錶品牌推出聯乘女裝手錶，她稱是一個新嘗試。
Sarah坦言每次旅遊都有創作靈感，今次更設計了逾10件新作品。
