嘉賓成祖兒個唱殺手锏 古仔又唱又跳狂派福利

UP_PT @ UPower

難得古仔咁放得開!好葡萄!

容祖兒《Pretty Crazy》演唱會第十一場請來「今期流行最受歡迎男歌」古天樂到場。古仔第一次現場又唱又跳《今期流行》,令觀眾興奮到癲,叫聲震裂整個紅館。

容祖兒演唱會第十一場請來古天樂到場。

嘉賓未出場時,祖兒叫大家一齊估,「這位男神,全港冇人唔鐘意佢,佢呢由細到大都好錫我,佢曾經係我演唱會擔任過一次演唱會嘉賓,今日想大家送份禮物畀呢位嘉賓,做吓dancer,一陣音樂起,適當時侯就記住一齊做呢動作....」然後祖兒就跳起《今期流行》的「拜神舞」動作,全場萬多人即時瘋狂起哄,現場亦響起《今期流行》,古仔更破天荒第一次現場演繹這首歌,又一邊唱一邊跟觀眾握手,氣氛之熱烈一時無兩。歌畢,祖兒話,「我第十一場表演嘉賓古天樂,真係癲倒眾生呀!」

古天樂、容祖兒

古仔唱完就對大家講:「第一件事,我係病緊,第二件事,我想講《今期流行》我從來未live唱過!」祖兒即說:「係呀,佢呢輩子未現場演繹過呢首經典金曲。你真係好錫我呀你,你係咪前世欠咗我㗎?哈哈,你記唔記得你好多年前做過我演唱會嘉賓?」古仔閒言話:「你真係當我老人痴呆症喎。我以前同你影過張相嘛。」祖兒笑言:「係呀,嗰時你仲拍緊劇,我喺電視台撞到你,當然係唔會放過機會啦,就係呢張相溝掂你!哈哈,我講笑。你個陣好白㗎,不過咁依家都唔係好黑....」引得觀眾哈哈大笑。

古天樂、容祖兒
古天樂

古仔等祖兒講完,突然就話:「唔知點解,我有啲谷鬼氣,我都話,唔好帶Ear mon,又叫我帶Ear mon,聽不到現場聲音呀!我想講!唱多次!火滾!」然後望住好愕然的祖兒說:「點呀,你驚overrun?你係咪都加咗場啦。」祖兒就笑住話:「唔驚,我比你唱埋落去都仲得!呢個人真係好鐘意唱歌㗎!」接著,兩人再一次唱《今期流行》,古仔今次不單唱,仲跳埋舞,觀眾大合唱之餘亦為之瘋狂!

容祖兒和古天樂邊唱《今期流行》邊跳舞。
容祖兒和古天樂邊唱《今期流行》邊跳舞。
容祖兒和古天樂邊唱《今期流行》邊跳舞。
容祖兒和古天樂邊唱《今期流行》邊跳舞。

唱完歌,祖兒細心幫古仔抹汗,「 你唱到喘氣啦,抖抖先啦,最受歡迎男歌手.....」不過「最受歡迎男歌手」不但沒有休息,還將觀眾情緒推到最高鋒,竟然話:「依家玩個遊戲,我知祖兒呢十一場都未同大家影過相,依家四邊,邊個叫得大聲,我聽到就搵佢上來影合照!」祖兒表示: 「向來都知道古天樂個人好好,佢雖然外表好似好惡,但係佢內心好善良.....不過你搞到咁,接住落來的嘉賓唔知點算.......哈哈哈.......你去揀啦,揀個靚仔啲上來影啦。」最終選了三個觀眾上台合照,開心死觀眾。

古天樂玩得非常盡興!
容祖兒和古天樂邀請觀眾上台合照。

影完相,古仔想走人,「我同你講接觸吓人,大家開心啲咪好囉。我走啦。」但祖兒就拉住古仔唔肯放,「你咁鐘意唱歌,你唱多首啦。」觀眾再次歡呼,古仔於是留下來同祖兒再合唱《男朋友》才離開。

古天樂、容祖兒
古天樂、容祖兒

Facebook Conversations