張曼玉秘密練歌再戰樂壇？ 那些年踩過界出碟嘅三位影帝
除左古天樂之外，好多影帝都識唱歌架。
網上圖片
近日有媒體影到張曼玉頻頻出入柴灣嘅錄音室，似係秘密錄音，似係想再戰歌壇。喺2014年，Maggie喺上海草苺音樂節獻唱《甜蜜蜜》，但備受批評，畀人笑話鵝公喉。早前佢喺中國綜藝節目《少年可期》重提舊事，仲忍唔住喊，表示當年受左好大打擊。Maggie仲話電影界嘅朋友仲鬧佢，搞到佢用左一年時間先回復到心情。（講真，呢啲拍電影嘅朋友，識少幾個都冇所謂）
Maggie仲話佢以拍左二十部戲都畀人話係花樽，希望大家可以畀多二十次機會。其實對唱歌有興趣嘅演員又何止Maggie一個？今次分享下三個出過大碟嘅影帝，當年佢地嘅成績都相當之唔錯。
1.張家輝
網上圖片
音樂作品：《愛得起》EP 2000、《對你傾訴》2001
2.梁朝偉
網上圖片
其實偉仔由1986年到2002年間，已經出左十三集碟（大碟、EP加埋），而呢首《一生一心》就係1994年嘅四台冠軍歌。
3.周潤發
網上圖片
發哥總共發行過兩隻EP（《十二分十分吋》、《飛砂風中轉》）、一隻大碟《舊情人》。喺1990年出左一隻LIVE演唱嘅大碟《周潤發現場演唱專輯》，唱片公司收錄左發哥早年喺馬來西亞吉隆坡登台演唱曲目，之後再重新發行。
