【蜘蛛俠Far from Home】Marvel點樣變陣頂住復仇者聯盟?

Leng Zai @ UPower

冇左蜘蛛俠仲有大把角色可以用嘅~

網上圖片

迪士尼因為大咬SONY要求一半嘅票房分紅,但又無視自己有周邊產品收入,搞到反晒面,令蜘蛛俠消失喺MCU之中。對於Marvel嚟講,冇左蜘蛛俠係相當頭痕,因為之前嘅作品鋪到佢好似鐵甲奇俠嘅接班人咁款。但係,因為迪士尼買左二十世紀霍士,所以變種特攻、神奇4俠嗰啲會返到MCU入面,叫做補得返蜘蛛俠個位置。

網上圖片

相信大家都喺電影入面睇到喺蜘蛛俠對Marvel幾咁重要,而家冇左蜘蛛俠,好彩仲有死侍返、變種特攻返嚟頂上,近排就有傳聞指死侍可能喺出年嘅電影《黑寡婦》嘅彩蛋出場。可能Marvel打算用《變種特攻》系列推出唔同嘅續集去拍《復仇者聯盟》Crossover《變種特攻》嘅作品,同埋《死侍》、《變種特攻》系列都相當受歡迎,用呢兩大皇牌相信都可以頂到冇左蜘蛛俠嘅,只係之前鋪定畀蜘蛛俠上位嘅計劃全部都要改過晒。

網上圖片

而《復仇者聯盟》可能會由黑豹帶頭,第一個亞裔英雄上氣、妮妲莉寶雯飾演嘅女雷神都係加入「復仇者聯盟」嘅好人選。MCU影迷睇唔到死侍同蜘蛛俠呢兩個最多口英雄互寸嘅劇情自然係相當可惜,但有傳Marvel影業總裁奇雲費治好鍾意蜘蛛俠,可能遲下會有圜轉都唔定。

網上圖片

另一邊廂,SONY其實都一早有應變招數,例如一早計劃好蜘蛛俠對手「Sinister Six」嘅相關作品,又可以推出唔同嘅系列電影,頭炮作品《毒魔》相當賣座,尤其喺日本同中國市場嘅成績相當好,而且都肯定會拍續集,湯哈迪同湯賀倫扮演嘅蜘蛛俠好大機會喺銀幕較量。

網上圖片

Facebook Conversations