《大叔的愛》香港取景 五角關係好混亂? 

Leng Zai @ UPower

辦公室禁忌五角同性戀關係,結局仲會喺桑拿房進行... ... 


日劇《大叔的愛》自播出之後大受歡迎,所以就推出電影版《大叔的愛:LOVE or DEAD》,而且仲會喺香港取景,主角田中圭仲向大家道歉,因為佢之前拍晒心口同人講話唔會有電影版,點知最後真係拍得成。

網上圖片

嚟到電影版就姐係劇集嘅完結篇,時間係喺劇集結局嘅一年之後。監製貴島就話:「雖然喺劇集嘅大結局出現左結婚呢個字,但係結婚姐係代表組織家庭,裡面有好多困難唔係就咁靠愛情就可以克服。而且每個人喺結婚之前都係獨立個體,喺庸碌嘅工作同時間嘅過去,就迷失自己,忘記原本嘅夢想。但係,就算做左大人之後繼續擁抱夢想,咁都係一件非常美好嘅事,間唔時都會重拾夢想嘅情況。喺呢個時候,如果可以揾到互相扶持嘅戀人、朋友、家人咁就更加好喇。」

網上圖片

《大叔的愛:LOVE or DEAD》喺今年嘅三月尾開拍,電影開場就喺香港豪宅開始,之後就會返去東京嘅天空不動產・東京第二營業所嘅場景,跟住就會喺神奈川相模湖取景,以春田同牧為重心。跟住喺煙火大會中,每個出場角色齊集喺度。另外劇組仲會去群馬縣高崎市拍攝爆破場面。之後就嚟香港拍兩日外景,最後四月尾五位主角喺桑拿房拍煞科戲。

網上圖片

今次電影版故事講述春田(田中圭 飾)情定情定巨根後輩牧凌太(林遣都 飾)之後嘅故事。春田畀公司調到上海同香港做嘢,受到總部派嚟嘅「Genius7」團隊強力控制。最令春田擔心嘅就係「Genius7」主任(沢村一樹 飾)相當鍾意牧凌太,新嚟嘅後生仔同事(志尊淳 飾)又勁冧自己,仲有已經失憶嘅前輩部長黒澤武藏(吉田鋼太郎 飾)二度示愛。今個夏天,五角關係交錯纏綿。


《大叔的愛:LOVE or DEAD》將於九月十二日喺香港上畫。

Facebook Conversations