景甜身世之謎無人知 「票房毒藥」點解可以荷李活拍戲行埋康城紅地氈？
同錯綜複雜嘅權力核心有關？
網上圖片
喺五月嘅時候，法國康城影展開幕，中國女星景甜喺紅地氈畀保安趕極都唔肯走，成為「一時佳話」。咁其實景甜參演過唔少國際級大製作電影，包括：《長城》、《金剛：骷髏島》、《悍戰太平洋：起義時空》。雖然每一部嘅票房同口碑都相當差，但景甜仍然片約不斷，越嚟越紅，仲可以喺康城影展賴死。咁其實景甜到底係咩人？
網上圖片
景甜喺18歲出道，佢做親主角嘅電影都票房大敗，冇名氣、冇觀眾緣。但多部荷李活大作要揾中國演員嘅時候，景甜都會有份做，仲要戲份都幾多下。
網上圖片
中國網絡傳聞就指景甜有超「硬」背景，所以可以係咁接戲，拍埋西片。中國網友仲話景甜係「世界第八大奇蹟」、「唯有景甜能超越景甜」。可以拍爛片拍到變國際巨星都應該係前無古人。
嶄露頭角
網上圖片
景甜中學嘅時候就讀北京舞蹈學院附屬中學，之後升讀北京舞蹈學院，但因為Attendance唔夠而畀學院踢走，之後唔知點解可以輕鬆「考」入爭崩頭嘅北京電影學院表演系，開始左佢嘅演藝生涯。
喺18歲嘅時候，景甜就已經推出EP《你是誰》，由中國最出名嘅音樂人張亞東打造呢隻EP (張亞東係王菲御用監製)，MV導演係中國一線名導寧浩。18歲嘅新人就有咁好待遇，莫非景甜係天才歌手？但係景甜出完一隻EP之後就再冇出過碟，只係間唔時會唱下主演劇集或者電影嘅主題曲。
演藝之路：專心國內打拼
網上圖片
同樣喺18歲，景甜拍左出道作《狂蟒驚魂》，係同劉家輝、八兩金合作嘅民初動作喜劇。
網上圖片
喺2011年事業開始有起色，佢同孫紅雷、金喜善、吳鎮宇主演電影《戰國》、同霍建華、郭品超合作《超時空救兵》、同張柏芝、張韶涵及井柏然一齊拍《影子愛人》。同佢一齊合作嘅演員全部都幾出名下，景甜開始發揮佢嘅謎之實力。
演藝之路：挑戰國際市場
網上圖片
之後就係同世界知名嘅香港演員合作。喺2013年同甄子丹一齊拍左《特殊身份》、同成龍主演《警察故事2013》，喺電影入面扮成龍個女。跟住就拍左《賭城風雲》，佢同周潤發、謝霆鋒一齊主演，咁後生就可以同咁多國際巨星一齊拍戲。
演藝之路：殺入荷李活
網上圖片
網上圖片
喺2015年嘅時候，景甜拍左張藝謀嘅《長城》，喺某啲版本嘅海報仲同麥廸文平排，亦都同麥廸文有大量對手戲。景甜嘅戲份仲要多過劉德華好多，但平心而論，佢喺戲中嘅表現係好過劉德華，起碼英文對白講得好啲先。
網上圖片
之後景甜仲拍埋荷李活一線大作《金剛：骷髏島》（Kong：Skull Island），同樣有唔少戲份，同「洛基」Tom Hiddleston合作。
網上圖片
相隔一年之後，佢參演《悍戰太平洋：起義時空》，演技唔係特別出眾嘅景甜，居然可以成日喺主演到荷李活鉅製，「第八大奇蹟」所言非虛。
網上圖片
好多演員做一世都去唔到荷李活發展，就連發哥近年都回歸華語影壇。但係景甜拍乜都唔收得，但係星途就漸入佳境，越演越強。令唔少人猜測佢嘅身世之謎。
網上圖片
中國網友曾經嘗試起佢底，有人就覺得景甜個老竇好可能係某位中國高官嘅女，仲有傳指佢係中國首富王健林個私生女。景甜咁多部嘅荷李活戲都係由傳奇影業投資，而傳奇嘅老闆就係王健林，所以私生女的傳聞都一度甚囂塵上。
網上圖片
仲有傳指路征係景甜嘅男朋友，萬達集團嘅大股東(王健林公司嘅投資人之一)、山西煤礦業嘅大亨。景甜唔少戲都係佢投資，例如《警察故事2013》(但係亦都有人指路征只係化名，幕金主想低調行事)。亦都有傳話係華漢先係景甜嘅「真．男友」，佢係路征嘅前老闆，係個八十後富二代。
網上圖片
當然，所以嘢都只係猜測，景甜身世仍然係個謎。
網上圖片
順帶一提，景甜早前同中國桌球手張繼科高調拍拖，搞到自己嘅演藝事業沉寂左一排。最近兩個人分左手，景甜又有兩套劇等住出街。
